قايسار انا 101 جاساپ، ومىردەن ءوتتى

ونىڭ ارتىندا ۇلى 63 جاسىندا جەتىم قالدى. عاسىردان استام ءومىر سۇرگەن مەليا مۇحامەد ديانىڭ ءومىرى سىناققا تولى بولدى. ەكى بالاسى ءسابي شاعىندا شەتىنەگەن.

ءبىر بالاسى 23 جاسىندا قازا بولعان.

ءتورتىنشى ۇلى ابدۋرراحمان كۇن سايىن كۇتىم قاجەت ەتەدى. تۋمىسىنان مۇگەدەك جارالعان ۇلىن اناسى ەشۋاقىتتا تاستاپ كەتۋدى ويلاعان ەمەس. تىپتەن، ءومىر بويى ونىڭ كۇتىمىن جاساعانى ءۇشىن شاعىم دا ايتپاعان. كەرىسىنشە، تاعدىردىڭ سىناعىنا توتەپ بەرىپ، سابىر مەن ءتوزىمنىڭ ناعىز ۇلگىسىن كورسەتە ءبىلدى.

«بالام قۋىرىلعان تاۋىق ەتى مەن كۇرىشتى جاقسى كورەدى. ءبىز ءارقاشان بىرگەمىز. مەن ۇلىمنان بۇرىن دۇنيەدەن وتپەيتىن شىعارمىن دەپ ويلايمىن. سەبەبى وعان قارايلايتىن مەنەن باسقا ەشكىم جوق» دەيدى انا جۇرەگى.

«ۇلىم ماعان ەشۋاقىتتا اۋىرلىق سالعان جوق. مەن ونى تۋىلعانىنان شومىلدىرىپ، تاماقتاندىرىپ، كيىندىرىپ كەلەمىن» دەگەن قايسار دا مەيىرىمدى مەليا انا مالايزيانىڭ قۇرمەتتى ماراپاتىنا يە بولدى. وعان انالىق ەڭبەگى، ماڭداي تەر، اق ءسۇتى ءۇشىن 2015 -جىلى مەملەكەتتەن وردەن بەرىلدى.

 «ءبىز ابدۋرراحمانعا ونىڭ اناسى قايتىس بولعانى تۋرالى حابارلادىق. ءبىراق، ول تۋمىسىنان اقىل- ەسى كەم جاراتىلعان. ول ۇندەمەدى جانە سول تۇيىق كۇيىندە قالدى» دەيدى جاقىن تۋىسى سيتي دجاليحا يۋنۋس TheStar- كە بەرگەن سۇحباتىندا.

ummet.kz-اقپارات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى