ق. كەلىمبەتوۆ: قازاقستاننىڭ جالپى حالىقارالىق رەزەرۆى 101,9 ميلليارد دوللارعا جەتتى

 «مەملەكەت باسشىسى ەلىمىزدىڭ حالىقارالىق قورىنىڭ جيىنتىق كولەمى جاقىندا ارادا ءجۇز ميلليارد دوللاردان اسۋىن ماقسات ەتىپ قويعان ەدى. بۇگىندە ونىڭ دەڭگەيى 101,9 ميلليارد دوللاردى قۇرادى. بۇل ءوز كەزەگىندە قازاقستانداعى ماكرو ەكونوميكالىق تۇراقتىلىقتىڭ ايقىن بەلگىسى» ، - دەدى ق. كەلىمبەتوۆ.

 ونىڭ سوزىنە قاراعاندا، ۇلتتىق بانكتىڭ التىن- ۆاليۋتا قورى 28 ميلليارد دوللاردان اسىپ ءتۇستى. بەلگىلى بولعانداي، ۇلتتىق قوردىڭ اكتيۆتەرى 73 ميلليارد دوللاردان استى.

 بۇدان بولەك ق. كەلىمبەتوۆ ءبىرىنشى توقساننىڭ قورىتىندىسى بويىنشا اعىمداعى ەسەپشوتتىڭ وڭتايلى سالدوسى قالىپتاسقانىن اتاپ ءوتتى.

«ونىڭ كولەمى 5,5 ميلليارد دوللاردى قۇرادى. مىسالى، بىزدە وتكەن جىلى اعىمداعى شوتتىڭ تولەم بالانسىنىڭ تەرىس سالدوسى قالىپتاسقان ەدى. ونىڭ دەڭگەيى مينۋس 118 ميلليون دوللار كولەمىندە بولدى. ياعني، وسى ورايدا جۇرگىزىلگەن ۆاليۋتالىق تۇزەتۋلەرگە ەكونوميكانىڭ وڭتايلى سارىنى ايقىن بايقالۋدا» ، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى