ءۇندىستاندا مۋسسون جاڭبىرىنان كەيىنگى تاسقىننان 100 دەن اسا ادام كوز جۇمدى

كوشكىن مەن سۋ تاسقىنىنا اكەپ سوققان مۋسسون جاڭبىرى بىرنەشە كۇننەن بەرى تولاستاماي وتىر، دەپ حابارلايدى قازاقپارات Euronews اگەنتتىگىنە سىلتەمە جاساپ.

ءۇندىستاننىڭ سولتۇستىگىندە وسى اپتادا جاۋعان نوسەر جاڭبىر 100 ادامنىڭ ءومىرىن قيىپ، الاساپىران تۋعىزدى.

ءولىم- ءجىتىمنىڭ كوبى حيماچال- پرادەش تاۋلى شتاتىندا تىركەلگەن. وندا كولىكتەردى، اۆتوبۋستار، كوپىرلەر مەن ۇيلەردى قۋاتتى سۋ تاسقىنى شايىپ كەتكەن، ايماقتا لاي كوشكىنى ءجۇردى.

نيۋ- دەليدە دجامۋنا وزەنىنىڭ جاعالاۋىنداعى تۇتاس اۋداندار، سونىڭ ىشىندە بىرنەشە ۇكىمەتتىك عيماراتتار سۋ استىندا قالعان.

مىڭداعان ادام ەۆاكۋاتسيالانىپ، مەكتەپتەر مەن كوللەدجدەر جابىلدى.

بيلىك وكىلدەرىنىڭ ايتۋىنشا، بۇل - ءۇندىستاندا سوڭعى ونجىلدىقتاردا بولعان ەڭ كۇشتى مۋسسون.

مەتەورولوگتار الداعى كۇندەرى ەلدىڭ سولتۇستىك ايماقتارىندا تاعى دا جاۋىن- شاشىن بولادى دەپ بولجاپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى