جاپونيادا بالا تۋۋ كورسەتكىشى سوڭعى 100 جىلدا بولماعان دەڭگەيگە تومەندەدى
جاپونيا دەنساۋلىق ساقتاۋ مينيسترلىگى تاراتقان الدىن الا مالىمەت بويىنشا، 2022 -جىلى جاڭا تۋعان نارەستەلەردىڭ جالپى سانى 5,1 پايىز تومەندەپ، 799728 ادامدى قۇرادى. 2017 -جىلى ەلدە بالا تۋۋ كورسەتكىشى 2033 -جىلدان باستاپ عانا 800 مىڭنان تومەن تۇسەدى دەپ بولجانىپ كەلىپ ەدى.
ساراپشىلار ەلدەگى بالا تۋۋ كورسەتكىشىنىڭ تومەندەگەنىن ۇزاق ۋاقىتقا سوزىلعان COVID-19 پاندەمياسىنان تۋىنداعان ءومىر سالتىن وزگەرتۋ جانە ادامداردىڭ كەش ۇيلەنۋ نەمەسە مۇلدەم ۇيلەنبەۋى سەبەپ ەكەنىن ايتۋدا.
«بۇعان سونداي-اق كوپتەگەن كۇردەلى فاكتورلار، سونىڭ ىشىندە جاستار اراسىنداعى قارجىلىق قاۋىپسىزدىك جانە الەۋمەتتىك بايلانىستىڭ از بولۋى دا سەبەپ»، - دەدى جاپونيانىڭ دەنساۋلىق ساقتاۋ، ەڭبەك جانە الەۋمەتتىك قامتاماسىز ەتۋ مينيسترلىگىنىڭ وكىلى.
پرەمەر-مينيستر فۋميو كيشيدانىڭ اكىمشىلىگى ەلدەگى دەموگرافيالىق جاعدايدى بارىنشا جاقسارتۋ ءۇشىن «بۇرىن-سوڭدى بولماعان» شارالار قابىلداماق. ونى ناۋرىز ايىنىڭ سوڭىنا دەيىن جاريالايدى.
ەسكە سالساق، قازاقپارات ءتىلشىسى وڭتۇستىك كورەياداعى دەموگرافيالىق جاعدايدىڭ ناشارلاعانى تۋرالى جازعان بولاتىن.
