كەلەر جىلى كوكونىس ەگەتىندەرگە 100 ميلليارد تەڭگەنىڭ فورۆاردتىق نەسيەسى بولىنەدى

پرەزيدەنت قاسىم- جومارت توقايەۆ «التىن ساپا» جانە «پارىز» سىيلىقتارىنىڭ يەگەرلەرىن ماراپاتتاۋ سالتاناتىندا سويلەگەن سوزىندە وسىنداي مالىمەت ايتتى، دەپ حابارلايدى قازاقپارات ءتىلشىسى.

«ءتورتىنشى ماسەلە - اگروبيزنەس ەكونوميكالىق دامۋدىڭ تاعى ءبىر قوزعاۋشى كۇشىنە اينالۋعا ءتيىس. بۇل ەڭ الدىمەن ەلىمىزدىڭ ازىق- تۇلىك قاۋىپسىزدىگىن قامتامسىز ەتۋ جانە ازىق- تۇلىك ينفلياتسياسىن ازايتۋ ءۇشىن ستراتەگيالىق ماڭىزى بار سالا. وسى ورايلى ساتتە مەن ەلىمىزدىڭ بارشا ديقاندارىنا، اۋىل شارۋاشىلىعى ماماندارىنا تاعى دا ريزاشىلىعىمدى بىلدىرەمىن»، - دەگەن پرەزيدەنت بيىل استىق جيناۋ ناۋقانى تابىستى اياقتالعانىن ەسكە سالدى.

«ەگىنىمىز بىتىك شىقتى - رەكوردتىق ءونىم، ياعني، 23 ميلليون توننا ءداندى داقىل جينالدى. فەرمەرلەرگە مەملەكەت تاراپىنان قولداۋ كورسەتۋ مىندەتتى تۇردە جالعاسىن تابادى. وسى جىلدان باستاپ اۋىل شارۋاشىلىعى تەحنيكاسىن جەڭىلدىكپەن ليزينگە الۋ ءۇشىن بەرىلەتىن قارجىنىڭ كولەمى 40 ميلليارد تەڭگەگە كوبەيدى. سونىڭ ارقاسىندا ديقاندارىمىز 1000 نان استام قوسىمشا تەحنيكا الۋ مۇمكىندىگىنە يە بولدى.

سونداي- اق، ەگىن ەگۋ جانە ونى جيناۋ جۇمىستارىنا جەڭىلدىكپەن نەسيە بەرۋ كولەمى ەكى ەسە ارتتى. ال ديقاندارعا جەڭىلدىكپەن بەرىلەتىن جانار- جاعارماي ونىمدەرىنىڭ كولەمى 820 مىڭ تونناعا دەيىن ءوستى. 2023 -جىلدان باستاپ كوكونىس ونىمدەرىن شىعارۋ ءۇشىن فەرمەرلەرگە الدىن الا، ياعني، فورۆاردتىق نەسيە بەرۋ باعدارلاماسى ىسكە قوسىلادى. وسى ماقساتقا شامامەن 100 ميلليارد تەڭگە قارجى بولىنەدى»، - دەدى مەملەكەت باسشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى