پرەزيدەنتتىڭ ا ق ش- قا ساپارى: 100 مىڭ قازاقستاندىق ستۋدەنت قانداي كۋرستارعا قول جەتكىزەدى
مەملەكەت باسشىسى قاسىم-جومارت توقايەۆ ا ق ش- تاعى ساپارى كەزىندە Coursera كومپانياسىنىڭ باسشىسى دجەفف مادجيونكالدامەن كەزدەسكەن بولاتىن . كەزدەسۋدە مەملەكەتتىك قىزمەتشىلەردىڭ بىلىكتىلىگىن ارتتىرۋ، ۋنيۆەرسيتەتتەردى اكادەميالىق قولداۋ جانە ازاماتتاردى وقىتۋ مەن قايتا وقىتۋ سىندى ءبىلىم بەرۋ سالاسىنىڭ ماسەلەلەرى قاراستىرىلعان.
عىلىم جانە جوعارى ءبىلىم مينيسترلىگىنىڭ مالىمەتى بويىنشا، اراداعى كەلىسسوزدەر جەمىستى اياقتالسا، Coursera كومپانياسىنىڭ ءبىلىم بەرۋ پلاتفورماسىنا 100 مىڭ قازاقستاندىق ستۋدەنت قول جەتكىزبەك. ونىڭ ۇستىنە، پلاتفورماداعى ءبىلىم مازمۇنى ءىشىنارا قازاق جانە ورىس تىلىنە اۋدارىلۋى مۇمكىن.
«بۇل 100 مىڭ ستۋدەنتتىڭ قالاي ىرىكتەلەتىنى كەلىسسوز بارىسىندا ناقتىلانادى. ازىرگە بيىل 20 مىڭ ليتسەنزيا، 2023-جىلى 30 مىڭ ليتسەنزيا، 2024-جىلى 50 مىڭ ليتسەنزيا بەرىلەتىنى بەلگىلى. باسىمدىق وڭىرلىك ۋنيۆەرسيتەتتەرگە جانە تۇرمىسى تومەن وتباسىلاردان شىققان ستۋدەنتتەرگە بەرىلەدى. دەگەنمەن، ىرىكتەۋدىڭ ناقتى تەتىگى Coursera وكىلدەرىمەن بىرگە پىسىقتالىپ جاتىر»، - دەيدى مينيسترلىكتەگىلەر.
