تۇركىستان وبلىسىندا بۇگىن ەكى بىردەي كەيۋانا 100 جاسقا تولدى
بۇگىن سايرام اۋدانىنىڭ تۇرعىنى بالتاجان راحمانقۇلوۆا 100 جاسقا تولدى.
كەيۋانا سوعىس جىلدارىندا ەگىس القاپتارىندا تراكتوريس بولىپ ەڭبەك ەتكەن. وتاناسى مىندەتىن قوسا اتقارىپ، 7 بالادان 80 نەمەرە مەن 4 شوپشەك ءسۇيىپ وتىر.
اق جاۋلىقتى انانى ارنايى قۇتتىقتاعان «امانات» پارتياسىنىڭ تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى بەيسەنباي تاجىبايەۆ عاسىر كۋاگەرىنىڭ يىعىنا ورامال جاۋىپ، قۇشاعىن گۇلگە تولتىردى.
«جالپى كوپبالالى انالارعا دەگەن قۇرمەت بولەك. ءار بالانىڭ بوي تۇزەپ، ادام بوپ قالىپتاسۋىندا انانىڭ بەينەتى مەن زەينەتى جاتىر. ەگدە تارتقان شاعىندا ۇلكەن قۇرمەتتى قاجەت ەتپەيدى. جىلى ءسوزدىڭ وزىنە جاندارى جادىرايدى. ول كوزدەرىندەگى قۋانىشتان انىق اڭعارىلىپ تۇر. انالارىمىز ءاردايىم كۇلىپ ءجۇرسىن»، - دەدى ول.
كەلەس اۋدانىنىڭ تۇرعىنى قاتيرا نانابەكوۆا دا بۇگىن كۇنى 100 جاسقا تولعان مەرەيتويىن ۇل- قىزدارىمەن بىرگە اتاپ ءوتتى.
بۇگىندە ونەگەلى اۋلەتتىڭ شامشىراعى بولعان اق جاۋلىقتى انا بەينەتپەن وتكەن عۇمىرىنىڭ زەينەتىنە بولەنىپ، ۇرپاقتارىنىڭ الدىندا باقىتتى ءومىر كەشىپ كەلەدى. تىلدا تەر توگىپ، ەڭبەك ەتكەن ول ومىرگە اكەلگەن 4 پەرزەنتىنەن 15 نەمەرە 52 شوبەرە ءسۇيىپ وتىر. سونداي-اق، سارىاعاشتىق جادىرا كەسكەنبايەۆا 10- ناۋرىزدا 102 جاسقا تولعان تۋعان كۇنىن تويلايدى.
قارت انا 7 ۇل-قىزدى دۇنيەگە اكەلگەن. قازىرگى تاڭدا 35 نەمەرە مەن 82 شوبەرەسى، 4 شوپشەگى بار.
