اقتوبەدە قورادان ءورت شىعىپ، شامامەن 100 باس ءىرى قارا جانىپ كەتتى

اقتوبە وبلىسى مۇعالجار اۋدانى كولدەنەڭ تەمىر اۋىلىنداعى شارۋاشىلىقتا قورا ورتەندى.

وندا 100 باس مال جانىپ كەتتى. بۇگىن 101 بايلانىس نومىرىنە مۇعالجار اۋدانى كولدەنەڭ تەمىر اۋىلىنداعى «شومان» شارۋا قوجالىعىنداعى قورادان ءورت شىققانى تۋرالى حابارلاما ءتۇستى.

وقيعا ورنىنا اۋداندىق ءورت ءسوندىرۋ بولىمىنەن ءورت سوندىرۋشىلەر جىبەرىلدى.

«ءورت اۋدانى 600 شارشى مەتردى قۇرايدى. شارۋاشىلىق يەسىنىڭ ايتۋىنشا، شامامەن 100 باس ءىرى قارا جانە بىرنەشە تەحنيكا (تراكتور، موتوتسيكل) جانىپ كەتكەن. قازىر ءورتتىڭ شىعۋ سەبەبى انىقتالىپ جاتىر»، - دەپ حابارلادى وبلىستىق ت ج د باسپا ءسوز قىزمەتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى