قۋات حاميتوۆ 100 ساعات ءماجبۇرلى ەڭبەكتەن قۇتىلدى

المالى اۋداندىق سوتىنىڭ 2021 -جىلعى 28-قاڭتارداعى ۇكىمىمەن سول كەزدە تۇراقتى جۇمىسى جوق قۋات حاميتوۆ كۇنىنە ءتورت ساعاتتان 100 ساعاتقا دەيىن ءماجبۇرلى جۇمىس ىستەۋى كەرەك بولعان. الايدا كەيىنىرەك حاميتوۆ جۇمىس ورنىنان انىقتاما بەرگەندىكتەن بۇل جۇمىستاردان بوساتىلعان.

ىشكى ىستەر مينيسترلىگى قىلمىستىق-اتقارۋ جۇيەسى كوميتەتى حاميتوۆ بيىل اقپاننان باستاپ الماتى وبلىسى مەن الماتى قالاسىنىڭ پروباتسيا قىزمەتىندە ەسەپتە تۇرعانىن حابارلادى.

«ق ر قىلمىستىق كودەكسىنىڭ 44-بابىنىڭ 1-تارماعىنا سايكەس، تۇراقتى جۇمىس ورنى بار نەمەسە وقۋى بار سوتتالعاندار ءماجبۇرلى ەڭبەككە تارتىلمايدى. حاميتوۆ رەسمي تۇردە جۇمىسقا ورنالاسقان ورنىنان انىقتاما جانە ەڭبەك شارتىن ۇسىندى، وسىعان بايلانىستى ءماجبۇرلى ەڭبەككە تارتىلمادى»، - دەلىنگەن Tengrinews.kz سۇراتقان ساۋلعا قىلمىستىق- اتقارۋ جۇيەسى كوميتەتى بەرگەن جاۋاپتا.

قىلمىستىق- اتقارۋ جۇيەسى كوميتەتى مالىمەتىنشە، حاميتوۆ باس بوستاندىعىن شەكتەۋ كەزەڭىندە ەشقانداي وعاش قىلىق كورسەتپەگەن.

ەسكە سالايىق، بىلتىرعى قىركۇيەكتە سپورتشى تىكۇشاقتاردى اتۋعا جانە دەزينفەكتورلاردى ۇرۋعا شاقىرعان بولاتىن. ال 20-قاڭتاردا قۋات حاميتوۆ ينتەرنەتكە قوسىلا الماي، سوت وتىرىسى كەيىنگە قالعان ەدى. كەيىن ارالاس جەكپە-جەك فايتەرى قۋات حاميتوۆكە قاتىستى سوت ۇكىمى شىقتى. ول 6 ايعا باس بوستاندىعىنان شەكتەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى