اۋىل بالالارى قوسىمشا بىلىممەن 100 پايىز قامتىلادى - اسحات ايماعامبەتوۆ
بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«اۋىلدا قوسىمشا ءبىلىم بەرۋدى دامىتۋ - ماڭىزدى ماسەلە. ءبىلىم بەرۋ ساپاسىنا ۇيىرمەلەرمەن قامتۋ ۇلكەن ىقپال تيگىزەدى. بۇگىنگى تاڭدا اۋىل وقۋشىلارىنىڭ تەك قانا 40 پايىزى قوسىمشا بىلىممەن قامتىلعان. ال 2025 -جىلعا قوسىمشا بىلىممەن 100 پايىز قامتۋ جوسپارلانىپ وتىر»، - دەدى مينيستر.
ونىڭ اتاپ وتۋىنشە، ول ءۇشىن بيىلدان باستاپ العاش رەت بالالارعا قوسىمشا ءبىلىم بەرۋگە مەملەكەتتىك تاپسىرىستى ورنالاستىرۋ مەحانيزمى ەنگىزىلدى. ارنايى زاڭ قاڭتار ايىندا قابىلداندى. «شاعىن جيناقتالعان مەكتەپتەردە ءبىلىم بەرۋ ساپاسىن ارتتىرۋ ماقساتىندا تىرەك مەكتەپ- رەسۋرستىق ورتالىقتار مەن ينتەرنات جەلىسىن كەڭەيتۋ جوسپارلانىپ وتىر»، - دەدى اسحات ايماعامبەتوۆ.
