تۇركىستان وبلىسىندا كوكپار ۇيىمداستىرىلىپ، وعان 100-گە جۋىق ادام جينالعان

تۇركىستان وبلىسى باس سانيتار دارىگەرىنىڭ قاۋلىسىنا سايكەس وبلىس بويىنشا كارانتين رەجيمىن ساقتاۋ، ياعني بەتپەردە تاعىپ ءجۇرۋ، اراقاشىقتى ساقتاۋ مىندەتتەلگەن. بۇگىنگى تاڭدا وسى تالاپتاردىڭ ورىندالۋى ءتيىستى ورگانداردىڭ قاتاڭ باقىلاۋىندا. ونىڭ ىشىندە تۇركىستان وبلىسى پوليتسيا دەپارتامەنتىنىڭ قىزمەتكەرلەرى ارنايى قۇرىلعان موبيلدى توپتارمەن بىرگە جۇيەلى جۇمىس جۇرگىزۋدە. مىسالى، تولەبي اۋدانىنىڭ پوليتسەيلەرى كارانتين رەجيمى مەن سانيتارلىق- ەپيدەميولوگيالىق نورمالاردى بۇزا وتىرىپ، وتكىزىلىپ جاتقان كوكپاردى انىقتادى.

تەكسەرۋ كەزىندە جەرگىلىكتى تۇرعىننىڭ الاتاۋ اۋىلدىق وكرۋگى اۋماعىندا 100-گە جۋىق ادامنىڭ باسىن قوسىپ، كوكپار جاساعانى بەلگىلى بولدى. موبيلدى توپ بىردەن شوعىرلانعان ادامدار توبىن تارقاتىپ، ولارعا كارانتين تالاپتارىن بۇزباۋ كەرەكتىگىن ءتۇسىندىردى. سونداي- اق كوكپار ۇيىمداستىرۋشىسىن جاۋاپقا تارتتى. وعان قاتىستى ق ر ا ق ب ت ك 425-بابى بويىنشا ءىس- قۇجاتتارى جيناقتالىپ، س ە س- كە جولداندى. تۇرعىنعا 30 ا ە ك كولەمىندە ايىپپۇل سالىندى.

اۆتور: اياۋلىم التىنبەك

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى