قازاقپاراتقا 100 جىلدىق مەرەيتويىنا وراي قازاقستاندىق نوۋتبۋك سىيلادى
2020-جىلى «قازاقپارات» حالىقارالىق اقپاراتتىق اگەنتتىگى ءوزىنىڭ 100 جىلدىعىن اتاپ ءوتتى.
جاڭا جىل قارساڭىندا ق ر پرەزيدەنتى جانىنداعى ورتالىق كوممۋنيكاتسيالار قىزمەتى الاڭىندا س. م. كيروۆ اتىنداعى زاۋىت قازاقپاراتتىڭ مەرەيتويىنا وراي زاۋىتتىڭ وزىندە شىعارىلعان نوۋتبۋك سىيلادى.
زاۋىت سولتۇستىك قازاقستان وبلىسىندا ورنالاسقان جانە جوعارى دالدىكتەگى تەحنولوگيالىق ونىمدەر شىعارادى.
ق ر پرەزيدەنتى جانىنداعى ورتالىق كوممۋنيكاتسيالار قىزمەتى بارلىق ب ا ق وكىلدەرىن جانە قازاقستاندىقتاردى كەلە جاتقان 2021-جىلمەن شىن جۇرەكتەن قۇتتىقتادى. جىل باسىندا ەپيدەميولوگيالىق احۋالدىڭ ناشارلاۋىن ەسكەرە وتىرىپ و ك ق باسپا ءسوز شارالارىن ونلاين فورماتتى ەنگىزگەنىن اتاپ وتكەن.
حالىقتى تولعاندىراتىن تاقىرىپتار بويىنشا وتەتىن بريفينگىلەر مەن باسپا ءسوز كونفەرەنتسيالارىن ۇيىمداستىرۋ تاسىلدەرى تۇبەگەيلى وزگەردى. ازاماتتار ەڭ تانىمال اقپاراتتىق ارنالاردان كۇن سايىن ەلدە بولىپ جاتقان ماڭىزدى جانە وزەكتى وقيعالار تۋرالى جەدەل جانە سەنىمدى اقپارات الدى.
ورتالىق كوممۋنيكاتسيالار قىزمەتى الاڭىندا وتكەن 366 باسپا ءسوز شاراسى ناتيجەسىندە بۇقارالىق اقپارات قۇرالدارىندا 200 مىڭنان استام ماتەريال جاريالاندى. ءارتۇرلى باعىتتا 57 ساراپشىمەن بريفينگ وتكىزىلدى. ZOOM پلاتفورماسىنداعى باسپا ءسوز كونفەرەنتسياسىنىڭ جاڭا فورماتى ەنگىزىلدى. جۋرناليستەر تاراپىنان 10 مىڭنان استام سۇراق قويىلدى.
