عالىمدار كوروناۆيرۋستىڭ % 100 اۋا ارقىلى تارالاتىنىن دالەلدەدى
بۇل تۋرالى قازاقپارات Le Monde فرانسۋز باسىلىمىنا سىلتەمە جاساپ حابارلايدى.
اۋرۋ بەلگىلەرى جانە قورعانىش ماسكاسى جوق COVID-19 جۇقتىرعان ادام ءبىر ساعاتقا جۋىق ۋاقىتقا سوزىلعان ساپار كەزىندە ناشار جەلدەتىلەتىن اۆتوبۋستاعى جولاۋشىلاردىڭ ۇشتەن بىرىنە ۆيرۋس جۇقتىردى. عالىمدار كوروناۆيرۋس جۇقتىرۋ راديۋسى بۇرىن ويلاعاننان الدەقايدا ۇلكەن ەكەنىن دالەلدەدى. COVID-19 اۆتوبۋس سالونىنىڭ الدىڭعى جانە ارتقى جاعىنداعى جولاۋشىلاردان تابىلدى.
ەپيدەميولوگتار بۇعان دەيىن كوروناۆيرۋس جۇقتىرعان ادامدار تۇشكىرگەندە نەمەسە جوتەلگەندە تامشىلار ارقىلى جۇقتىرادى دەپ مالىمدەگەن ەدى. سوندىقتان داعدارىس باستالعان كەزدە اۋا ارقىلى تارالۋى مۇمكىن دەگەن بولجامدى بۇكىل الەمنىڭ دەنساۋلىق ساقتاۋ ورگاندارى نازاردان تىس قالدىردى. الايدا كوپتەگەن مامانداردىڭ رەسپيراتورلىق ۆيرۋستار ماسەلەسى جونىندەگى پىكىرلەرى مەن قاراپايىم اڭگىمە كەزىندە ۆيرۋستىڭ اۋادا بولۋى- بولماۋىنا قاتىستى زەرتتەۋ ناتيجەلەرىنەن الىنعان جاڭا ءبىلىمنىڭ ارقاسىندا جازدا جاعداي وزگەردى.
اۆتور: اياۋلىم التىنبەك
