شىمكەنتتە مۇناي زاۋىتىنىڭ 100 گە جۋىق جۇمىسشىسى كوروناۆيرۋس جۇقتىردى

قالانىڭ باس سانيتارىنىڭ ايتۋىنشا «پەتروقازاقستان ويل پروداكتس» كومپانياسىندا قاۋىپتى ىندەت تارالۋ جاعدايى 7 - مامىردان باستاپ انىقتالعان.

«7 - مامىر كۇنى وسى زاۋىتتىڭ ەكى جۇمىسشىسى ناۋقاستانىپ، جۇقپالى اۋرۋلار اۋرۋحاناسىنا تۇسكەن. ولاردان الىنعان سىناما قورتىندىسى كورونوۆيرۋس جۇقتىرعانىن راستاعان. ناۋقاستارمەن قارىس- قاتىناستا بولعان التى ادام دا اۋىرعان. زاۋىتتىڭ باسشىلىعى 8 جۇمىسشىنىڭ ىندەت جۇقتىرعانىن ەسكەرىپ، سكرينينگ جۇمىستارىن جۇرگىزگەن. الايدا سىناما جۇمىستارىن الماتىلىق زەرتحانا جۇرگىزگەندىكتەن ارادا ءبىراز ۋاقىت ءوتىپ كەتكەن» ، - دەدى ءابدىماناپ تولەبايەۆ.

ال، قالا اكىمىنىڭ ءبىرىنشى ورىنباسارى ەربول سادىر اتالعان زاۋىتتا قاۋىپتى ىندەتتى 96 جۇمىسشى جۇقتىرعان. تاعى 12 ناۋقاس وسى زاۋىتقا قوسىمشا قىزمەت كورسەتەتىن كومپانيالاردا جۇمىس ىستەيدى. 29 ادام زاۋىت جۇمىسشىلارىمەن قارىم قاتىناستا بولعان تۋىستار بولىپ تابىلادى.

«مۇناي وڭدەۋ زاۋىتىنداعى انىقتالعان وشاق زالالسىزداندىرۋ جۇمىستارى جاسالىپ، جاتاقحاناسى كارانتينگە جابىلدى. قاۋىپتى ىندەت انىقتالعان ادامداردىڭ بارلىعى قالالىق جۇقپالى اۋرۋلار اۋرۋحاناسىنا، كارانتيندىك ستاتسيونارلارعا جاتقىزىلدى. زاۋىتتىڭ جۇمىسى قازىرگى كەزدە قالىپتى جاعدايدا ىستەپ تۇر. وعان باسقا جۇمىسشىلار تارتىلعان» ، - دەدى ەربول سادىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى