بيىل نۇر-سۇلتاندا 100 مىڭ اعاش كوشەتى وتىرعىزىلادى

وسى ورايدا، نۇر-سۇلتان اكىمىنىڭ ورىنباسارى التىنبەك قايساعاليەۆ «جاسىل جەر» ج ش س جانە «استانا-زەلەنستروي» ج ش س جىلىجايلارىنا باردى. كوگالداندىرۋ جانە اباتتاندىرۋ جوسپارى اياسىندا اعىمداعى جىلى ەلوردادا گۇلزارلارداعى گۇلدەر سانىن 6 ميلليون داناعا دەيىن ۇلعايتۋ جوسپارلانۋدا. وسى جۇمىستاردى جۇرگىزۋ ءۇشىن قالا كوشەلەرى، اۋلالار مەن قوعامدىق كەڭىستىكتەر رەتكە كەلتىرىلەدى. «استانا-زەلەنستروي» مەن «جاسىل جەر» كومپانيالارىنىڭ جىلىجايلارىندا بۇگىنگە دەيىن 4,5 ميلليوننان استام گۇل وسىرىلگەن.

التىنبەك قايساعاليەۆتىڭ ايتۋىنشا، بارلىق تۇقىمدار ستاندارتتارعا سايكەستىگى بويىنشا زەرتحانالىق زەرتتەۋلەردەن وتەدى. قالا اكىمىنىڭ ورىنباسارى «استانا-زەلەنستروي» ج ش س-نىڭ ورمان پيتومنيگىندە بولىپ، جاعدايىمەن تانىستى. 350 گەكتار جەردى الاتىن پيتومنيكتە 60 ءتۇر بويىنشا 300 مىڭنان استام كوشەت وسىرىلۋدە.

«بيىل كوشەتتەردى جاپپاي وتىرعىزۋدى جالعاستىراتىن بولامىز. الۋان ءتۇرلى اعاشتىڭ 100 مىڭىن ەگۋ جوسپارلانعان. قازىرگى ۋاقىتتا وتىرعىزۋ ورىندارىن دايىنداۋ جۇرگىزىلۋدە. سونداي-اق، ەلوردا كوشەلەرىندە، ساياباقتار مەن تىنىمباقتاردا قوقىستاردى جيناۋ بويىنشا ەكولوگيالىق ءىس- شارالار جۇرگىزىلەتىن بولادى. ەلوردانىڭ لاندشافتىق ديزاينىن جاقسارتۋ بويىنشا، ونىڭ ىشىندە بىرەگەي فلوريستيكالىق شەشىمدەر ارقىلى جۇمىستار جۇرگىزىلۋدە»، - دەدى نۇر-سۇلتان قالاسى اكىمىنىڭ ورىنباسارى التىنبەك قايساعاليەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى