ەلوردا تورىنە قازاق ۇلىلارىنىڭ 100 گە جۋىق ونەگەلى ءسوزى ءىلىندى

«باس قالامىزدىڭ كورىكتى جەرلەرىندە تاريحي تۇلعالارىمىز بەينەلەنگەن جانە ۇلىلارىمىزدىڭ ۇلاعاتتى ءسوزى جازىلعان بيلبوردتار، پيلوندار ىلىنە باستادى. بۇل - ەكىنشى لەك. بىلتىر 40-50 گە جۋىق بيلبورد ەسكيزى قالامىزداعى ايالدامالارعا، كوشە مەن داڭعىل بويلارىنا، پاركتەرگە ىلىنگەن بولاتىن. ولار ءالى تۇر. ەندى ولاردىڭ قاتارىن 100 گە جۋىق جاڭا بيلبورد تولىقتىرا باستادى»، - دەپ جازدى نۇر-سۇلتان قالالىق تىلدەردى دامىتۋ جانە ارحيۆ ءىسى باسقارماسى باسشىسىنىڭ ورىنباسارى ساكەن ەسىركەپ ءوزىنىڭ Facebook پاراقشاسىندا.

ونىڭ ايتۋىنشا، بۇل ءۇردىس الداعى ۋاقىتتا دا جالعاسىن تابادى.

ەسكە سالا كەتسەك، نۇر-سۇلتاننىڭ كورنەكى ورىندارىنا ۇلىلاردىڭ ونەگەلى سوزدەرىن ءىلۋ ءداستۇرى وتكەن جىلدىڭ جازىندا باستالدى.

اۆتور: ءالي يبرايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى