داۋرەن ابايەۆ «100 جاڭا ەسىم» جوباسى نە ءۇشىن كەرەكتىگىن ءتۇسىندىردى

ۆەدومستۆو باسشىسى «100 جاڭا ەسىم» جوباسى تاۋەلسىزدىك جىلدارىندا ەلىمىزگە وڭ ىقپالىن تيگىزگەن ازاماتتاردى ناسيحاتتاۋ، ولاردىڭ ەڭبەك تاجىريبەسىن تانىستىرۋ ماقساتىندا ۇيىمداستىرىلعانىن ەسكە سالدى.

«وسى جوبا ارقىلى ءتۇرلى سالادا قازاقستاندا دارىندى جاستار بار ەكەنىن كورسەتكىمىز كەلەدى. بۇگىندە ولاردىڭ تابىستى تاجىريبەسى كوپتەپ كەزدەسەدى. وكىنىشكە قاراي، كۇندەلىكتى ومىردەگى قاربالاس جۇمىستارمەن وسى ادامداردى بايقاماي ءجۇرۋىمىز مۇمكىن. سوندىقتان بۇل ادامداردىڭ تابىستى ەڭبەك تاجىريبەسىمەن ماقتان تۇتاتىنىمىزدى كورسەتكەنىمىز ءجون»، - دەدى د. ابايەۆ ەلوردادا وتكەن باسپا ءسوز ءماسليحاتىندا.

وسى ورايدا مينيستر «100 جاڭا ەسىمگە» لايىقتى ادامدار جايىندا كوبىرەك ايتۋ ارتىق بولمايتىنىن، وسى ادامدار قيىندىقتى قالاي ەڭسەرگەنى بارشاعا ۇلگى ەكەنىن جەتكىزدى.

«وسى ادامداردىڭ ءومىر جولى وسكەلەڭ ءۇرپاقتى ىنتالاندىرۋى كەرەك، ياعني ۇلگى بولۋى ءتيىس. بۇل تۇرعىدا كوپبالالى وتباسىلاردان شىققان بالالار ءۇشىن ۇلگى بولاتىنى انىق. ويتكەنى اتالعان جوباعا قاتىسۋشىلاردىڭ كوبىسى كوپبالالى وتباسىلاردىڭ تاربيەسىندە بولدى. ولار بۇگىندە ءتۇرلى سالادا ەلەۋلى تابىسقا جەتىپ وتىر»، - دەدى د. ابايەۆ.

بۇدان بۇرن حابارلانعانداي، 2019-جىلدىڭ 1- قازانىنان باستاپ 100janaesim.ruh.kz سايتىندا «قازاقستاننىڭ 2019-جىلعى 100 جاڭا ەسىمى: جاس قازاقستاندىقتاردىڭ تابىس تاريحى» جوباسىنا وتىنىمدەر قابىلداۋ باستالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى