الماتى وبلىسىندا 100 گە جۋىق جىلقىنى بارىمتالاعاندار ۇستالدى

ولار 100 گە جۋىق جىلقىنى ۇرلاعان دەپ حابارلايدى قازاقپارات ءتىلشىسى.

قىلمىستىق توپ قۇرامىندا 26 مەن 46 جاس ارالىعىندا 5 ازامات بولعان. ولار الماتى وبلىسىنىڭ تالعار جانە كەگەن اۋداندارى مەن الماتى قالاسىنىڭ تۇرعىندارى بولىپ شىقتى.

قىلمىستىق تەكسەرۋ بارىسىندا بارىمتاشىلاردىڭ ناقتى ءۇش فاكتىگە قاتىسى بار ەكەنى دالەلدەنىپ وتىر. كەلتىرىلگەن ماتەريالدىق شىعىن 26 ميلليون تەڭگەگە باعالاندى. بارلىق ءۇش قىلمىس 2018-جىلدىڭ قازان، قاراشا ايلارىندا كەگەن اۋدانىندا تىركەلگەن. كۇدىكتىلەر جالاڭاش جانە كىشى جالاڭاش اۋىلى تۇرعىندارىنان 87 باس جىلقىسىن ايداپ اكەتكەن.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قازىرگى تاڭدا ق ر ق ك 188-بابى، 4-بولىگى بويىنشا سوت الدى تەرگەۋ جۇمىستارى ءجۇرىپ جاتىر.

سونداي-اق، ۇرلانعان مالدى ىزدەستىرۋ جالعاسۋدا. ءتارتىپ ساقشىلارى مالدىڭ ساتىلعان جەرى مەن ساتىپ العان ادامداردى دا انىقتاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى