قازاقستاندىق ينتەرنەت- تاراتىلىم قولجەتىمدى تاريفپەن الەمنىڭ 100 تەلەارناسىن كورسەتەتىن بولادى
«قۇرمەتتى دوستار! ينتەرنەت- تەلەكورسەتىلىم ت ۆ- يندۋستريانىڭ ەۆوليۋتسياسىنداعى جاڭا كەزەڭ ەكەنىن ەشكىم جوققا شىعارا المايدى. سونداي- اق، ونىڭ اۋديتورياسىن كەڭەيتۋدىڭ مۇمكىندىگى وتە زور. بۇل الەمدىك ترەند بولعاندىقتان، بۇل كوشتەن ءبىز دە قالىسپاۋىمىز كەرەك. 2014 -جىلدان بەرى قازاقستاندا Galam TV ينتەرنەت- تاراتىلىمى جۇمىس ىستەپ كەلە جاتقانىن بىلەسىزدەر. الايدا وبەكتيۆتى سەبەپتەرگە بايلانىستى قولدانۋشىلاردىڭ وعان دەگەن سۇرانىسى ايتارلىقتاي تومەن بولدى. Galam TV وسىلايشا، Chrome, Opera, Yandex, Internet Explorer قاتارلى براۋزەرلەردە جۇمىس ىستەگەن جوق. موبيلدى قوسىمشالار اياعىنا دەيىن جاسالمادى. تىركەۋ دە تۇراقسىز ءارى سەنىمسىز ەدى. بيىلعى جىلى ءبىزدىڭ مينيسترلىك پەن «قاز تەلە راديو» ا ق GalamTV ينتەرنەت- تاراتىلىمىنىڭ جوباسىن جاڭعىرتۋدى قولعا الدى» ، - دەيدى داۋرەن ابايەۆ فەيسبۋك پاراقشاسىندا.
جازباعا سايكەس، جوبانى مودەرنيزاتسيالاۋدىڭ 1- كەزەڭى اياقتالعان. بۇگىنگى كۇنى ينتەرنەت- تاراتىلىم Google Play مەن AppStore-دە موبيلدى قوسىمشا ارقىلى جۇمىس اتقارىپ تۇر. سونىمەن بىرگە، ول بارلىق تانىمال ينتەرنەت- براۋزەرلەرگە بەيىمدەلە جاسالعان.
«ءتىپتى قازىر الەمنىڭ كەز كەلگەن تۇكپىرىنەن كورۋگە بولاتىنداي رەتپەن GalamTV ارقىلى ەفيردى باسقارۋعا، تەلەكانالداردى ارحيفتەرىمەن بىرگە تەگىن كورۋگە، باعدارلامالاردى قايتا تاماشالاۋعا، باعدارلامانى جوسپارلاۋعا مۇمكىندىك تۋىپ وتىر. مودەرنيزاتسيالاۋدىڭ كەلەسى كەزەڭدەرىندە «سۇرانىس بويىنشا ۆيدەو»، ءتىل تىزىمدەرى، حابارلاندىرۋلاردى رەتتەۋ، جەكە تەلەكانالدار پاكەتتەرىن قۇرۋ، رەيتينگتى جۇيە، جەكە كابينەت، قولدانۋشى پاكەتىندە جازبا جاريالاۋ جانە ت. س. س. قىزمەتتەردى ەنگىزۋ جوسپارلانۋدا. قازىرگى ۋاقىتتا ينتەرنەت- تاراتىلىم پاكەتى تەگىن جانە وندا 24 قازاقستاندىق كانال بار. ال جىلدىڭ سوڭىنا دەيىن Galam TV قولجەتىمدى تاريفپەن (نارىقتاعى ورتاشا باعادان تومەن) الەمنىڭ 100 تەلەارناسىن كورسەتەتىن بولادى. Galam TV قازاقستاندىق ينتەرنەت- تاراتىلىمعا تىڭ سەرپىن بەرەتىنىنە سەنىمدىمىن» ، - دەپ جازدى مينيستر.
سونىمەن بىرگە، جوبانى دامىتۋ اياسىندا مينيسترلىك قازاقستاندىق كىتاپتاردىڭ، عىلىمي جازبالار مەن جۋرنالداردىڭ، مۋزىكالاردىڭ، فيلمدەر مەن وزگە دە كونتەنتتەردىڭ سيفرلەنگەن بازاسىن قۇرۋدى كوزدەپ وتىر.
ايان ءورىباي
