وتكەن جىلى 100 گە جۋىق پاۆلودارلىق شەتەل ازاماتتارىمەن نەكە قۇرعان

پاۆلودار قالالىق احات ءبولىمىنىڭ باس مامانى جانار توقايەۆانىڭ ايتۋىنشا، وتكەن ءبىر جىل ىشىندە شەتەل ازاماتتارىمەن وتباسىن قۇرعان 97 نەكە تىركەلگەن.

- بىلتىر شەتەلدىكتەرمەن كوڭىل قوسقانداردىڭ كوبى ەر ازاماتتار. ياعني، 59 جىگىت ومىرلىك جارىن وزگە مەملەكەتتەن تاڭداسا، 38 قىز شەتەل جىگىتىمەن كوڭىل جاراستىرىپ، تۇرمىسقا شىققان. شەت مەملەكەتكە ۇزاتىلعان 38 قىزدىڭ سەگىزى - قازاق، قالعان 30 ى - وزگە ۇلتتىڭ وكىلى. پاۆلودارعا كەلىن بولعانداردىڭ كوبى كورشىلەس وزبەكستان، قىرعىزستان، تۇركىمەنستان جانە ۋكراين ەلدەرىنىڭ قىزدارى. ال، پاۆلودارلىق ارۋلاردىڭ كوبى رەسەي فەدەراتسياسىنا جانە گەرمانيا، گرەكيا، يتاليا سىندى مەملەكەتتەردىڭ ازاماتتارىمەن نەكەلەسكەن.

مامانننىڭ سوزىنشە، شەتەل ازاماتتارىمەن نەكەلەسكەندەردىڭ كوبى 25-27 جاستاعىلار. جالپى، مۇنداي ارالاس نەكەنىڭ سانى جىل سايىن ازايدى نەمەسە ارتتى دەپ ءدوپ باسىپ ايتۋعا كەلمەيدى. بۇل ءار جىلى ۇيلەنگەندەر مەن تۇرمىس قۇرعانداردىڭ سانىنا بايلانىستى.

  دەرەككوزى: www.pavlodarnews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى