ۆاسيلي ليەۆيت پەن ادىلبەك نيازىمبەتوۆ 100 مىڭ دوللاردى قايدا جۇمسايدى

بۇل تۋرالى بوكسشىلار بۇگىن كۇمىس جۇلدەگە قوسىلعان 100 مىڭ دوللاردى الا وتىرىپ، ءمالىم ەتتى، دەپ حابارلايدى قازاقپارات.

 ۆاسيلي ليەۆيت ءتىپتى الدىڭعى جۇلدەسى سول قالپىندا تۇرعانىن ايتتى. «شىنىمدى ايتسام، ءالى جۇمساعان جوقپىن. اقشا جۇمسايتىنداي ۋاقىتىم دا جوق. قازىر كوپ شاراعا شاقىرادى، سوندىقتان، كوزدەن تاسا جەرگە «تىعىپ» قويدىم»، - دەيدى ۆاسيلي ليەۆيت.

«ءبىزدى قولداعان ەلباسىنا ۇلكەن راحمەت ايتامىز. ۆاسيلي ەكەۋمىزدى قولداعان حالىققا راحمەت. كەلەسى جىلى ازيا چەمپيوناتى، الەم چەمپيوناتى بولادى، وعان قاتىسامىز با، جوق پا ءالى بەلگىسىز. ونى جاتتىقتىرۋشىلارىمىز ءوزى شەشەدى. جۇلدەنى قايدا جۇمسايتىنىم بەلگىسىز. قايىرىمدىلىق تۋرالى ءالى جوسپار جوق. جۇلدەنى بۇگىن الىپ وتىرمىز. مۇمكىندىك بولىپ جاتسا، قايىرىمدىلىققا بەرەمىن»، - دەيدى ءا. نيازىمبەتوۆ.

سونداي- اق، ۆاسيلي مەن ادىلبەك جاڭا جىلعا ارنالعان فيلمگە ءتۇسىپ، اكتەرلىك قىرلارىن دا تانىتقان ەكەن. فيلم تۋرالى سۇراعان جۋرناليستەرگە ادىلبەك نيازىمبەتوۆ: ءتۇسىرىلىمى كەشە عانا ءبىتتى. جاڭا جىلدا كورەسىزدەر»، - دەسە، ۆاسيلي اكتەرلىك قولىنان كەلە بەرمەيتىنىن ايتىپ، كۇلدى. «وزىمە بەرىلگەن ءرولدى ويناپ ءبىتتىم. شىنىمدى ايتسام، اكتەرلەردىڭ جۇمىسىمەن ءبىرىنشى رەت تانىسىپ، ارالارىندا ءجۇردىم. ءبىر كينوعا ءتۇستىم ەكەن دەپ، ءوزىمدى «اكتەر» اتاۋدان اۋلاقپىن. ءبىراق، مەن ءۇشىن وتە قىزىق بولدى. 31 - جەلتوقسان كۇنى تەلەارنالاردان كورەسىزدەر»، - دەيدى ۆ. ليەۆيت.

 ايتا كەتەيىك، بۇگىن ۇلتتىق وليمپيادا كوميتەتىنىڭ ءتوراعاسى، قازاقستان بوكس فەدەراتسيانىڭ پرەزيدەنتى تيمۋر قۇلىبايەۆ ريو وليمپياداسىنىڭ كۇمىس جۇلدەگەرلەرى ۆاسيلي ليەۆيت پەن ادىلبەك نيازىمبەتوۆكە 34 ميلليون تەڭگە كولەمىندە وليمپيادا ويىندارىنىڭ التىنعا تەڭ سىياقىسىن تاپسىردى.

 اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى