ءبىلىم مينيسترلىگى عىلىمي جوبالارعا 100 ميلليون دوللارعا دەيىن گرانت بولەدى

«حالىقارالىق عىلىمي- تەحنيكالىق ورتالىقتىڭ اشىلۋى تۋرالى كەلىسىمدى راتيفيكاتسيالاۋ ۇدەرىسى ءجۇرىپ جاتىر. قازاقستاندا ورتالىق- ازيالىق وڭىردەگى حالىقارالىق جوبالاردى، سونداي-اق قازاقستاندىق جوبالاردى قارجىلاندىرۋ بويىنشا شەشىمدەر قابىلداۋعا قولجەتىمدىلىك بار»، - دەدى ق ر تاۋەلسىزدىگىنىڭ 25 جىلدىعىنا ارنالعان فورۋمدا ب ع م ۆيتسە-ءمينيسترى اسلانبەك ءامرين.

ونىڭ ايتۋىنشا، بۇل ورتالىق رەسەي فەدەراتسياسىندا بولعان 20 جىلدا رەسەيلىك تاراپ جوبالارعا 425 ميلليون دوللار الدى. «ءبىز ءۇش جىلدا عىلىمي جوبالار ءۇشىن100 ميلليون دوللارعا دەيىن حالىقارالىق گرانتتار تارتۋدى بولجاپ وتىرمىز»، - دەدى ۆيتسە- مينيستر.

حالىقارالىق عىلىمي- تەحنيكالىق ورتالىق 38 مەملەكەت كىرەتىن ۇكىمەتارالىق ۇيىم بولىپ تابىلادى. ورتالىق يادرولىق قارۋدى تاراتپاۋعا جاردەمدەسۋ ماقساتىندا 1992 -جىلى قۇرىلعان. باستاپقى كەزەڭدە ە ە ق، ر ف، ا ق ش، جاپونيا اراسىنداعى كەلىسىمدەرگە قول قويىلدى. ودان ءارى وعان ارمەنيا، گرۋزيا، بەلارۋس، قازاقستان، قىرعىزستان، نورۆەگيا، كورەيا، تاجىكستان قوسىلدى.

قازاقستان 1995 -جىلدان باستاپ ورتالىق مۇشەسى بولىپ تابىلادى. 2015 -جىلى حعتو اياسىندا جالپى قۇنى 18 ميلليارد ا ق ش دوللار بولاتىن 701 جوبا، سونداي- اق سوماسى 2,5 ميلليون دوللارعا ىلەسپە باعدارلامالار جۇزەگە اسىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى