موسۋلدىڭ وڭتۇستىگىنەن باسى شابىلعان 100 دەن استام ادامنىڭ جەرلەنگەن ورنى تابىلدى
بۇل تۋرالى CNN يراك اسكەرىنىڭ مالىمدەمەسىنە سىلتەمە جاساپ حابارلادى.
يراك تۇرعىندارىنىڭ مايىتتەرى 7 - قاراشا كۇنى ۇكىمەت كۇشتەرى «ي م» لاڭكەستىك توبىنىڭ سودىرلارىن قۋىپ شىققان حاممام- ال- اليل ەلدى مەكەنىنەن تابىلدى. حاممام- ال- اليل موسۋلدىڭ وڭتۇستىگىنە قاراي 30 شاقىرىم جەردە ورنالاسقان. يراك اسكەرى بۇل جەرلەۋدى ي م سودىرلارىنىڭ ارەكەتىمەن بايلانىستىرىپ وتىر.
قاراشا ايىنىڭ باسىندا ب ۇ ۇ ي م سودىرلارىنىڭ موسۋلدا 1600 ازاماتتى كەپىلگە العانىن جانە ولاردى يراك اسكەرلەرى جاساعان اۋە شابۋىلدارىنان قورعاناتىن ءتىرى قالقان رەتىندە قولدانىپ جاتقانىن مالىمدەگەن ەدى. موسۋل 2014 -جىلى ي م سودىرلارىنىڭ باقىلاۋىنا الىندى. 17 - قازان كۇنى يراك اسكەرى يراكتىك كۇردىستان جاساعىمەن بىرلەسىپ، قالانى ازات ەتۋ وپەراتسياسىن باستادى. رەسپۋبليكا پوليتسياسىنىڭ قولباسشىسى رايد شاكەردىڭ ايتۋىنشا، قازىرگى ۋاقىتتا ارميا موسۋل حالىقارالىق اۋەجايىنىڭ وڭتۇستىگىنە قاراي 5 شاقىرىمعا جاقىندادى جانە شابۋىلدى جالعاستىرۋدا.
