يسپانيالىق نۇسقاۋشىلار ماڭعىستاۋلىق 100 كاراتەشى وليمپياداعا دايىنداۋدا
شەبەرلىك سىنىبىنا مۇنايلى اۋدانى اقتاۋ، جاڭاوزەن قالالارىنان كەلگەن كاراتەشىلەر قاتىستى. سپورتشىلاردىڭ سانى جۇزگە جۋىق بولدى، سونداي- اق ولاردىڭ قاتارىندا قازاقستاننىڭ ءار وبلىستارىنان كەلگەن وسى سپورت ءتۇرى بويىنشا 20 باپكەر دە بار. شەبەرلىك سىنىبىنا گرۋزيادان، رەسەيدەن كەلگەن سپورتشىلار دا قاتىستى.
شارانى ۇيىمداستىرۋشىلار ماڭعىستاۋ وبلىسى كاراتە- دو فەدەراتسياسى، وبلىستىڭ دەنە تاربيەسى جانە سپورت باسقارماسى.
«وزدەرىڭىز بىلەسىزدەر، بۇل سپورت ءتۇرىن وليمپيادالىق ويىندار قۇرامىنا ەنگىزدى. كاراتە بويىنشا ءبىرىنشى چەمپيونات 2016 -جىلعى قازاندا اۆستريادا وتەدى. ۋاقىت از قالدى. سوندىقتان ءبىزدىڭ سپورتشىلار توكيدا وتەتىن 2020 -جىلعى وليمپياداعا جولداما الۋ ءۇشىن جارىسقا ازىرلەنۋدە. قازاقستان وڭىرلەرىنىڭ ىشىندە ماڭعىستاۋ وبلىسىندا كاراتە سالاسى جاقسى دامىعان. سوندىقتان حالىقارالىق دەڭگەيدەگى نۇسقاۋشىلاردى وسى جەرگە شاقىردىق»، - دەدى فەدەراتسيا پەرزيدەنتى بەكمۇرات ءجۇسىپوۆ.
بۇل يسپانيالىق نۇسقاۋشىلاردىڭ العاش كەلۋى ەمەس، بۇعان دەيىن انتونيو وليۆا سەبا 2011 -جىلى وسى ماقساتتتا ەلىمىزگە كەلىپ قايتقان بولاتىن.
