يران بوەيڭ كومپانياسىنان 100 ازاماتتىق ۇشاق ساتىپ الۋعا نيەتتى
«ەلىمىزدە 250 ۇشاق بار، ونىڭ 230 ىن الماستىرۋ قاجەت»، - دەگەن يران ازاماتتىق اۆياتسيا ۆەدومستۆوسىنىڭ باسشىسى الي ابەدزادەحتىڭ سوزدەرىن كەلتىردى فرانس پرەسس اگەنتتىگى. ول كەلىسىمدى ا ق ش ۇكىمەتى ماقۇلداۋى كەرەك ەكەنىن قوستى.
كومپانيا بولسا كەلىسىمگە كەلگەنىن قۋاتتاعان جوق. سارسەنبى كۇنى Boeing وكىلدەرى بريتانيالىق Guardian باسىلىمىنا ساتىپ الۋ تۋرالى كەلىسسوزدەر جۇرگىزىلىپ جاتقانىن ايتتى، الايدا تولىق اقپاراتتى جەتكىزگەن جوق.
وتكەن جىلى يرانعا قاتىستى حالىقارالىق سانكتسيالار الىنعان سوڭ ۇشاق ساتىپ الۋ مۇمكىن بولدى.
وسىعان دەيىن ەل بيلىگى الداعى ون جىلدا يراننىڭ ەسكىرگەن اۋە فلوتىن جاڭعىرتۋ ءۇشىن 400 ۇشاق كەرەك ەكەنىن ءمالىم ەتتى.
يرانداعى ازاماتتىق ۇشاقتاردىڭ پايدالانىپ كەلە جاتقانىنا ورتاشا العاندا شامامەن 27 جىل بولدى.
ازاماتتىق اۆياتسياداعى حالىقارالىق قاۋىپسىزدىك نورمالارىنا سايكەس كەلمەگەندىكتەن، يراننىڭ 12 اۆيالاينەرىنەن وزگە بارلىق ۇشاقتارىنا ەۋرووداق ەلدەرىندە اۋە كەڭىستىگىن پايدالانۋعا تىيىم سالىنعان.
وسى اپتادا ە و Iran Air ۇشاقتارى ەۋروپاعا قايتا ۇشا الاتىنىن جاريالادى.
