پاۆلودار وبلىسىندا 100 مىڭعا جۋىق وقۋشى جازعى لاگەردە دەمالادى

ولاردىڭ باسىم بولىگى مەكتەپ جانىنداعى لاگەرگە بارادى. قۇلاعىنىڭ مۇكىسى بار بالالارعا ارنالعان مامانداندىرىلعان مەكتەپ- ينتەرناتى دا بالالار ءۇشىن جازعى دەمالىستى جاقسى ۇيىمداستىرعان. ينتەرنات تاربيەلەنۋشىلەرى قالاداعى مادەني ورىنداردى ارالاپ، سپورتتىق ساۋىقتىرۋ شارالارىنا قاتىسادى. مەكتەپ جانىنداعى دەمالىس ورنى ءوز جۇمىسىن بىرنەشە كۇن بۇرىن باستادى. مۇمكىندىگى شەكتەۋلى بالالاردىڭ اتا- انالارىنىڭ ۇسىنىسى ەسكەرۋسىز قالعان جوق. جەتكىنشەكتەر ءبىر اي بويى ءبىر- بىرىمەن ارالاسىپ، ۋاقىتىن قىزىقتى ءارى پايدالى وتكىزەتىن بولادى.

مارينا ناليۆايكو، اتا- انا:

- بالالار مۇندا دەمالادى. كوڭىل كوتەرەدى. دەمالىستارىن جاقسى وتكىزىپ جاتىر. مۇمكىندىگى شەكتەۋلى بالالار عوي. سوندىقتان كوپ ەشكىممەن ارالاسا المايتىن. ال لاگەردە كوپتەگەن شارالارعا قاتىسىپ ءماز- مەيرام بولىپ جاتىر.

ناتاليا پەتريتسا، مەكتەپ- ينتەرنات ديرەكتورىنىڭ ورىنباسارى:

- ءتۇرلى باعدارلامالار، ويىندار ۇيىمداستىرىلعان. بالالاردىڭ كوڭىلى كوتەرىڭكى. سپورتتىق ساۋىقتىرۋ باعدارلامالارىنا قاتىسامىز. بالالارعا ارنالعان باعدارلاما بار. تورايعىروۆ جانە گايدار اتىنداعى كىتاپحانالارعا بارامىز. ورتالىق جاعالاۋعا، قالالىق ساياباققا سەرۋەنگە شىعىپ، سۋعا شومىلامىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى