الماتىدا 100 وتباسى «نۇرلى جول» باعدارلاماسى اياسىندا پاتەر كىلتىن الدى
«بۇگىن 100 پاتەر الەۋمەتتىك تۇرعىدان از قامتىلعان وتباسىلار، بيۋدجەتتىك ۇيىمداردىڭ جۇمىسكەرلەرى اراسىندا ءبولىنىپ بەرىلدى. بۇل ادامدار جەرگىلىكتى اتقارۋ ورگاندارىندا كەزەكتە تۇرعان. ولار وزدەرىنىڭ تولەم قابىلەتتىلىگىن دالەلدەدى»، - دەدى قالالىق تۇرعىن ءۇي جانە تۇرعىن ءۇي ينسپەكتسياسى باسقارماسىنىڭ باس مامانى ازىرەت ەسەيەۆ.
ونىڭ ايتۋىنشا، تۇركسىب اۋدانىندا ساۋرانبايەۆ پەن تولستوي كوشەلەرىندە ورنالاسقان تۇرعىن ۇيلەردە 300 پاتەر جالعا بەرۋ تارتىبىمەن تاراتىلادى.
قالعان پاتەرلەر قۇجاتى راسىمدەلگەن ازاماتتارعا تاراتىلىپ بەرىلەتىن بولدى.
ايتا كەتۋ كەرەك، اتالعان ءۇيدىڭ قۇرىلىسى مەملەكەت باسشىسىنىڭ «نۇرلى جول بولاشاققا باستار جول» باعدارلاماسىن جۇزەگە اسىرۋ اياسىندا سالىندى.
بۇل باعىتتا ق ر ۇكىمەتى 2020-جىلعا دەيىن وڭىرلەردىڭ دامۋى باعدارلاماسىن بەكىتتى.
اتالعان باعدارلامانىڭ «جالعا بەرىلەتىن باسپانا» باعىتى وپەراتورلارىنىڭ ءبىرى - قازاقستان يپوتەكالىق كومپانياسى.
«سالىق كودەكسىنە ۇسىنعان وزگەرتۋلەرىمىز قابىلداندى. ەندى ءبىزدىڭ جالعا الاتىن كليەنتتەر 1- قاڭتاردان باستاپ، مۇلىك سالىعىن جەكە تۇلعا ستاۆكاسى بويىنشا تولەيتىن بولدى. باسپانا 20 جىلعا جالعا بەرىلەدى. ونى 5 جىل تولماي ءوز مەنشىگىنە اۋدارۋعا بولمايدى»، - دەدى ق ي ك وكىلى گۇلجان يسابەكوۆا.
ءۇش بالانىڭ اناسى سامال نۇربولات قىزى 2008-جىلدان بەرى كەزەكتە تۇرعان. بۇگىن قونىس تويىن تويلاعالى وتىرعان انا مەملەكەت باسشىسىنا جۇرگىزگەن ساياساتى ءۇشىن العىسىن ءبىلدىردى.
