الماتىدا ترامپليننەن سەكىرۋدەن الەم كۋبوگىنىڭ قىسقى كەزەڭدەرىنە 100 سپورتشى قاتىسادى

بۇل تۋرالى بۇگىن وتكەن باسپا ءسوز ءماسليحاتىندا ق ر ترامپليننەن سەكىرۋ جانە شاڭعى قوسسايىسى بويىنشا فەدەراتسيانىڭ پرەزيدەنتى اندرەي ۆەرۆەيكين ايتتى.

«بۇل كەزەڭدە الەمگە تانىمال سپورتشىلار كەلەدى. ەرلەر اراسىندا 62 سپورتشى، ايەلدەر اراسىندا 34 سپورتشى باعىن سىنايدى. ەرتەڭ سايىس باستالادى. ءبىراق ەڭ ۇزدىكتەر سەنبى كۇنى ونەر كورسەتەدى»، - دەدى ا. ۆەرۆەيكين.

قازاقستان قۇراماسىنىڭ نامىسىن راديك پەن مارات جاپاروۆتار، سابىرجان ءمۇمىنوۆ پەن كونستانتين سوكالەنكو قورعايتىن بولادى.

«سايىس وتە قاتاڭ بولادى. جەڭىمپاز مىناۋ بولادى دەپ تاپ باسىپ ايتا المايمىز. ءبىزدىڭ سپورتشىلاردىڭ ءبىرى ۇزدىك 30 دىققا ەنەدى دەپ سەنەمىز»، - دەدى فەدەراتسيا پرەزيدەنتى.

سپورتتىق دودا 27- اقپاندا «سۇڭقار» حالىقارالىق شاڭعى ءترامپلينى كەشەنىندە وتەدى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى