كينوعا تۇسۋگە 100 جاسىندا شاقىرتۋ العان قازاق جۇلدىزى

شاكەن ايمانوۆ اتىنداعى «قازاق فيلم» كينوستۋدياسى اكتريساعا قاليبەك قۋانىشبايەۆ تۋرالى كينوعا تۇسۋگە ۇسىنىس جاسادى. عاسىر جاساعان ساحنا ساڭلاعى حابيبا ەلەبەكوۆانىڭ ايتۋىنشا، ول 100 جاسىندا دا كينوعا تۇسۋگە دايىن. «تەاترعا 17 جاسىمدا كەلدىم. تەاتر - مەنىڭ قاراشاڭىراعىم»، - دەدى اكتريسا. ماعجان جۇمابايەۆتىڭ شىعارماشىلىعىن ەرەكشە قۇرمەتتەيتىن ونەر يەسى ءوزىن مەرەيتويمەن قۇتتىقتاپ بارعان تەلەارنا تىلشىلەرىنە ونىڭ ولەڭىن جاتقا وقىپ بەردى.

ايتا كەتەيىك، حابيبا ەلەبەكوۆا تەاتر ونەرىنە 70 جىلدان اسا قىزمەت ەتتى. ول شىلدە ايىندا 100 جاسقا تولادى. ەلەبەكوۆانىڭ تەاتر ساحناسىندا سومداعان العاشقى ءرولى - قاراگوز (ج. ءشانيننىڭ «ارقالىق باتىر» سپەكتاكلىندە). اكتريسانىڭ ويناعان رولدەرىنىڭ جالپى سانى 100 دەن اسادى. ولاردىڭ ەڭ كورنەكتىلەرى - مۇحتار اۋەزوۆتىڭ «ابايىنداعى» قانىكەي، ۇلجان، «قاراقىپشاق قوبىلاندىداعى» كۇنىكەي، عابيت مۇسىرەپوۆتىڭ «قوزى كورپەش-بايان سۇلۋىنداعى» ماقپال، بەيىمبەت مايلين مەن عابيت مۇسىرەپوۆتىڭ «امانگەلدىسىندەگى» قىرمىزى، بەيىمبەت مايليننىڭ «مايدانىنداعى» مامىق، قاسىم امانجولوۆتىڭ «دوسىمنىڭ ۇيلەنۋىندەگى» ايعانىم، يران-عايىپتىڭ «ەستايدىڭ قورلانىنداعى» ايناش وبرازدارى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى