ق ر قارۋلى كۇشتەرى قاتارىندا اۋعان سوعىسىنىڭ 100 گە جۋىق ارداگەرى بار - فوتو
ءداستۇر بويىنشا بۇل كۇندەرى ەلىمىزدىڭ قارۋلى كۇشتەرى بويىنشا اۋعان ارداگەرلەرىنە سىي-قۇرمەت كورسەتىلىپ، ولاردى ماراپاتتاپ، 30 جىل بۇرىن مايداننان ورالماعانداردى ەسكە الادى.
بۇل تۋرالى ق ر ق م باسپا ءسوز قىزمەتى حابارلادى.
بۇگىنگى كۇنى قازاقستان رەسپۋبليكاسىنىڭ قارۋلى كۇشتەرىندە اۋعان سوعىسىنا قاتىسقان 100 گە جۋىق ادام بار. ولار وفيتسەرلىك، سەرجانتتىق جانە ازاماتتىق پەرسونال لاۋازىمدارىندا اسكەري قىزمەت وتكەرۋدە جانە قازاقستاندىق ارميانىڭ يگىلىگى ءۇشىن ءوز مىندەتتەرىن ابىرويمەن اتقارىپ ءجۇر.
ەلىمىزدىڭ بارلىق اۋماعىندا وسى اتاۋلى كۇن قارساڭىندا بىرنەشە سالتاناتتى مەرەكەلىك ءىس-شارالار وتكىزىلۋدە. الماتىداعى 28 گۆاردياشى- پانفيلوۆشىلار ساياباعىندا 200 دەن اسا اسكەري قىزمەتشى اۋعانستاندا قازا بولعان جاۋىنگەرلەرگە قۇرمەت كورسەتتى. ءىس-شاراعا 61993 اسكەري ءبولىمىنىڭ تۋ ۇستاۋشى توپتارى، قۇرلىق اسكەرلەرى مەن راديوەلەكترونيكا جانە بايلانىس اسكەري ينستيتۋتتارىنىڭ كۋرسانتتارى، «جاس ۇلان» اسكەري مەكتەبىنىڭ تاربيەلەنۋشىلەرى، اسكەري ۇرمەلى وركەستر، قۇرمەت قاراۋىلى روتاسى، ق ر ق ك اەروۇتقىر اسكەرلەرى مەن ۇلتتىق ۇلاننىڭ اسكەري قىزمەتشىلەرى قاتىسادى.
دەسانتشىلار قويان-قولتىق ۇرىستىڭ ەلەمەنتتەرىن كورسەتەدى، اسكەري قىزمەتشىلەر گۇل شوعىن قويىپ، ءبىر مينۋت ۇنسىزدىكتەن كەيىن ميتينگتى باستايدى.
استانادا سالتاناتتى شارا حالىق قاھارمانى باقىتجان ەرتايەۆتىڭ قاتىسۋىمەن ق ر ق ك ۇلتتىق اسكەري-پاتريوتتىق ورتالىعىندا وتۋدە. كونسەرتتىك باعدارلاماعا ورتالىق انسامبل، اسكەري وركەستردىڭ قولداۋىمەن ق ر ق ك ارداگەرلەرى، اۋعان سوعىسىنىڭ ارداگەرلەرى، «جاس ۇلان» مەكتەبىنىڭ تاربيەلەنۋشىلەرى اتسالىستى.
تارازداعى گارنيزوندىق وفيتسەرلەر ۇيىندە سالتاناتتى ءىس-شارا ءوتتى. قازاقستاندىق رەسپۋبليكالىق اۋعان سوعىسىنداعى مۇگەدەكتەر قوعامى باسقارماسىنىڭ ءتوراعاسى التاي سارمولدايەۆ اۋعان سوعىسىنىڭ ارداگەرلەرى مەن تاجىك-اۋعان شەكاراسىنداعى شايقاسقا قاتىسقاندارعا ناگرادالار تابىس ەتتى.
اتالمىش شاراعا ارنالعان جاپپاي جۇگىرۋ «استانا» وڭىرلىك قولباسشىلىعىندا ءوتتى. وعان 31775، 36352، 55524 اسكەري بولىمدەرىنىڭ 400 گە جۋىق اسكەري قىزمەتشىسى قاتىستى. سالتاناتتى ءىس-شارانى «استانا» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور سۇلتان كامالەتدينوۆ اشتى. ودان باسقا، وقۋشىلاردىڭ قاتىسۋىمەن ەرلىك ساباقتارى وتكىزىلدى.
اسكەري قىزمەتشىلەر مەن وقۋشىلار ينتەرناتسيوناليست جاۋىنگەرلەرمەن كەزدەستى، سول قيىن-قىستاۋ كەزەڭدى ەسكە الىپ، جاۋىنگەرلەرىمىزدىڭ وتان الدىنداعى بورىشتارىن قالاي ادال ءارى ەرجۇرەكتىلىكپەن وتەگەندەرىن ەستىپ ءبىلدى.
اسكەري قىزمەتشىلەردىڭ پىكىرىنشە، سول ءبىر سۇراپىل سوعىستىڭ بىزگە بەرگەن ونەگەسى بۇگىنگى كۇنى دە ايرىقشا مانگە يە جانە ۇرپاققا ۇلگى بولارلىقتاي ءتالىمى مول. «اۋعانستان - بۇل اسكەري بورىشقا دەگەن ادالدىقتىڭ جوعارى سەزىمى. گەنەرالدار مەن وفيتسەرلەر ەرلىك پەن باتىرلىقتى كورسەتتى، الايدا، ەرلىكتىڭ ەڭ ءبىر تاماشا جارقىن كورىنىسىن قاتارداعى جاۋىنگەر ساربازدار كورسەتكەن ەدى. مىڭداعان ءبىزدىڭ ساربازدارىمىز باتىر اتاندى: كومانديرلەردىڭ كەۋدەسىن جاۋىپ، وتتىڭ قۇرساۋىندا قالعان جارالىلاردى قۇتقاردى، ساربازدارىمىزعا عانا ءتان ەرلىككە تولى ەرەكشە قاسيەتتەرىن پاش ەتتى»، - دەيدى ارداگەرلەر.
