قازاق حالقى 100 جىل بۇرىن قالاي ءومىر ءسۇردى؟ - فوتو
الايدا، ەرتەدەگى اتا- بابالارىمىزدىڭ تۇرمىسى بەينەلەنگەن ماتەريالدار مەن فوتوسۋرەتتەر جوقتىڭ قاسى. NUR. KZ نازارلارىڭىزعا ەكسكليۋزيۆتى سۋرەتتەردى ۇسىنادى.
مامانداردىڭ سوزىنشە، قازاق حالقىن زەرتتەۋ جۇمىستارى قازاق حاندىعىنىڭ رەسەي قول استىنا وتكەننەن كەيىن باستالعان. ەلىمىزگە ات باسىن بۇرعان رەسەيلىك عىلىمي ەكسپەديتسيادا قازاقتاردىڭ تۇرمىس- تىرشىلىگى، مادەنيەتى، ادەت- عۇرىپتارى مەن سالت- جورالارى، سونداي- اق شارۋاشىلىق ءومىرىنىڭ ەرەكشەلىكتەرى تۋرالى اسا قۇندى دەرەكتەر كەلتىرىلگەن سۋرەتتەر جيىنتىعى ءقازىر سانكت- پەتەربۋرگتاعى ۇلتتىق مۇراعاتتا ساقتاۋلى.
بارلىق دەرەكتەردە قازاقتار «قىرعىز» دەپ جازىلعان. كورشىلەر اسا ماڭىزدى تاريحي دۇنيەلەردى ەلىمىزگە قوماقتى سوماعا ساتۋعا دا ۇسىنىس بىلدىرگەن. ازىرگە ەكى ەل اراسىندا كەلىسسوز جۇرگىزىلۋدە.
ال بۇگىن ءبىز قازاقستانداعى فوتولار كينوقۇجاتتار جانە دىبىس جازبالارىنىڭ ورتالىق مەملەكەتتىك مۇراعاتىندا ساقتالعان 1800 -جىلداردىڭ سوڭى مەن 1900 -جىلداردىڭ باس كەزىندە تۇسىرىلگەن فوتولار لەگىمەن تانىستىرماقپىز. اتالعان سۋرەتتەردىڭ ناقتى اۆتورى جوق. تەك قاي جىلدارى تۇسىرىلگەنى بولجاممەن جازىلعان.
1. جەتىسۋ وڭىرىندەگى قازاق وتباسىسى. 1880-1895 -جىلدار.
2. باي قازاق تۇراتىن جانۇيانىڭ كيىز ءۇي ىشىندەگى ءومىرى. 20 عاسىردىڭ باس كەزى.
3. كەدەي قازاقتار تۇراتىن كيىز ءۇي ىشىندەگى كورىنىسى. 1918 -جىل.
4. اجە مەن نەمەرەلەر قول ديىرمەنمەن ۇن دايىنداۋ ءساتى. 1905 -جىل.
5. الماتى وبلىسىنداعى قازاقتاردىڭ ءومىرى. قاريانىڭ كەلى ءتۇيۋ ءساتى. 19 عاسىردىڭ سوڭى.
6. قازاق كەدەيلەرىنىڭ ەت ءبولىسۋ ءساتى. 1910-1915 -جىلدار.
7. ماڭعىستاۋ وڭىرىندەگى قازاق ايەلدەرى. 1903 -جىل.
8. قازاق بالالارىنىڭ ويىنى. 1910-9015 -جىلدار.
9. قازاق جاستارىنىڭ التىباقان تەبۋى. 20 عاسىردىڭ باسى.
10. قازاق ايەلدەرىنىڭ كىلەم توقۋ ءساتى. 1910-1912 -جىلدار.
11. ماڭعىستاۋ قازاقتارىنىڭ تەكەمەت باسۋ ءساتى. 1903 -جىل.
ماتەريالدى دايىنداۋ بارىسىندا كورسەتكەن كومەگى ءۇشىن فوتو، كينوقۇجاتتار جانە دىبىس جازبالارىنىڭ ورتالىق مەملەكەتتىك مۇراعاتىندا قىزمەتكەرلەرىنە العىس بىلدىرەمىز.
