ءجۇز ناقتى قادامنىڭ جۇزەگە اسىرىلۋ بارىسى تۋرالى 100 بەينەروليك تۇسىرىلەدى

بۇل تۋرالى بۇگىن «نۇر وتان» پارتياسىندا وتكەن بريفينگ بارىسىندا «نۇر وتان» پارتياسىنىڭ يدەولوگيا ماسەلەلەرى جونىندەگى حاتشىسى فارحاد قۋانعانوۆ ءمالىم ەتتى.

«مەملەكەت باسشىسى نۇرسۇلتان نازاربايەۆتىڭ جۋىردا جارىق كورگەن «ۇلت جوسپارى - قازاقستاندىق ارمانعا باستايتىن جول» اتتى ماقالاسىندا ۇلت جوسپارىنىڭ ءاربىر ناقتى قادامى بويىنشا مىندەت-ماقساتتار ايقىندالعان.

 ەندى ۇكىمەتتىڭ، پارلامەنتتىڭ، قوعامدىق ينستيتۋتتار مەن پارتيالاردىڭ جۇمىسى ۇلت جوسپارىن جۇزەگە اسىرۋعا باعىتتالادى. ايتا كەتەيىن، ۇلت جوسپارىن جۇزەگە اسىرۋ مەن ونى حالىققا ناسيحاتتاۋدا ەلباسى «نۇر وتان» پارتياسىنا زور سەنىم ارتقاندىقتان، پارتيا بەس ينستيتۋتتىق رەفورمانىڭ ءاربىر باعىتى بويىنشا جەكە-جەكە جۇمىس توبىن قۇردى»، - دەپ حابارلادى ول.

ف. قۋانعانوۆتىڭ حابالاۋىنشا، بۇل جۇمىس توپتارىنىڭ قۇرامىنا پارتيا وكىلدەرى، قوعامدىق بىرلەستىكتەر مەن ۋاكىلەتتى ورگانداردىڭ وكىلدەرى قوسىلعان.

«ال، ۇلت جوسپارىنا اقپاراتتىق قولداۋ كورسەتۋ ءۇشىن ۇلت جوسپارىن جۇزەگە اسىرۋ بارىسىن ۇنەمى نازاردا ۇستايتىن ارنايى سايت اشىلعانى بەلگىلى.

سونىمەن قاتار، «استانا» تەلەارناسى مەن جەرگىلىكتى تەلەارنالاردا كورسەتۋ ءۇشىن 100 ناقتى قادامنىڭ جۇزەگە اسىرىلۋ بارىسى تۋرالى 100 بەينەروليك ازىرلەنەدى دەپ جوسپارلانۋدا»، - دەپ ءمالىم ەتتى ف. قۋانعانوۆ.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى