استانادا ج. تاشەنوۆتىڭ 100 جىلدىعى اتالىپ ءوتتى - فوتو

شارا بارىسىندا ۇيىمداستىرۋشىلار بەلگىلى مەملەكەت قايراتكەرى جۇمابەك تاشەنوۆتىڭ ءومىرى مەن قىزمەتى تۋرالى كىتاپتىڭ كورمەسىن وتكىزدى. جيىنعا قايراتكەردىڭ قىزمەتىن زەرتتەۋشىلەر، تانىمال ءبىرتاۋار تۇلعانىڭ جاقىندارى، تۋىستارى قاتىستى.

ەستەرىڭىزگە سالا كەتەيىك، جۇمابەك تاشەنوۆ كەزىندە كەڭەس وداعىن اشسا الاقانىندا، جۇمسا جۇدىرىعىندا ۇستاپ تۇرعان ن. حرۋشيەۆتىڭ «ءبولىپ ال دا، بيلەي بەر» دەگەن اپەرباقان ساياساتىنا قارسى تۇرىپ، بابالارىمىز امانات ەتىپ كەتكەن قازاقتىڭ قاسيەتتى جەرىن قورعاپ قالعان ۇلت قايراتكەرىنىڭ بىرەگەيى. ول سول كەزدەگى پارتيالىق- رەپرەسسيالىق ساياساتقا ءبىلىمى مەن بىلىكتىلىگىن، ۇلتتىق نامىسى مەن پاراساتتىلىعىن قارسى قويا بىلگەن تۇلعا.

بۇدان بولەك، جۇمابەك تاشەنوۆ قازاق سسر مينيسترلەر كەڭەسىنىڭ ءتوراعاسى بولىپ قىزمەت ەتتى. 1960 -جىلدىڭ سوڭىنا تامان تىڭ ولكەسى رەتىندە قازاقستاننىڭ سولتۇستىكتەگى بەس وبلىسىن بىرىكتىرىپ، ونى قازاقستان قۇرامىنان شىعارۋ تۋرالى پىكىرگە اشىق قارسى شىقتى. حالىق الدىنداعى ەرەكشە ەڭبەگى ءۇشىن لەنين، ەڭبەك قىزىل تۋ وردەندەرىمەن دە ماراپاتتالعان.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى