پەتروپاۆل بوتانيكالىق باعىندا 100 جىلدىق يۋككي وسىمدىگى گۇلدەدى - فوتو

بۇل تۋرالى «قىزىلجار ورانجەرەياسى» م ق ك ك- نىڭ باس اگرونومى راۆيل ريازاپوۆ ايتتى.

«يۋككي وسىمدىگى - اگاۆا تۇقىمداسىنان. 100 جىلدان استام ۋاقىت ءوسىپ، بيىلعى جىلى ءبىرىنشى رەت گۇل اشىپ وتىر. 1912-جىلى پولكوۆنيك ۋراپوۆ سانكت-پەتەربور قالاسىنىڭ بوتانيكالىق باعىنان كوپتەگەن وسىمدىكتەردى اكەلگەن، سونىڭ اراسىندا مەيىربان لاۆر جانە يۋككي وسىمدىگى بولعان. بۇل كاسىپورىندا ءبىرىنشى باعبان ۆاسيلي گەراسيموۆيچ وسيپوۆ ەدى، ال ءبىز ونىڭ جولىن قۋىپ، بۇل وسىمدىكتەردى كۇتۋمەن اينالىسىپ ءجۇرمىز»، - دەدى ر. ريازانوۆ.

يۋككي - سولتۇستىك امەريكانىڭ سۋبتروپيكتىك ايماعىنان شىققان اعاشقا ۇقساس كوپجىلدىق وسىمدىك؛ اگاۆا تۇقىمداسىنا جاتادى جانە 40 قا دەيىن ءتۇرى بار. يۋككيدىڭ وتانىندا ونى ءتۇرلى سالالاردا پايدالانادى. كەسىلگەن گۇلدەرىنەن قانتتىڭ جوعارى مولشەرى بار شىرىن الىنادى. ءجىپ سياقتى وسەتىن يۋككيدەن ماقتا قولدانباي تۇرعاندا ءبىرىنشى دجينسى شالبارى تىگىلگەن بەرىك تالشىقتار الىنادى. ا ق ش- تا وسى كۇنگە دەيىن دجينسى شالبارلارىن شىعارۋدا يۋككي تالشىقتارى قولدانىلادى، بۇل ونى شامالى جىرتىلمايتىنداي ءتوزىمدى ەتەدى. بۇدان باسقا، يۋككي تالشىقتارىنان قاعاز بەن ارقان جىپتەرى شىعارىلادى. سونداي-اق بۇل وسىمدىك ەمدەۋ ماقساتتارىندا قولدانىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى