مەملەكەتتىك قىزمەتكەرلەرگە «100 ناقتى قادامعا» بايلانىستى ۇلكەن مىندەتتەر جۇكتەلىپ وتىر - ا. ءايتىموۆ
وسىعان وراي وبلىستىق ءماسليحات دەپۋتاتى، «قازي ي ت ۋ» عىلىمي- ءبىلىم كەشەنىنىڭ قۇرىلتايشىسى، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ب ق و بويىنشا دەپارتامەنتى جانىنداعى قوعامدىق كەڭەس ءتوراعاسى اقسەرىك ءايتىموۆ ءوز وي- پىكىرىن بىلايشا ءبىلدىردى.
ونىڭ ايتۋىنشا، باعدارلامالىق قۇجاتتىڭ ءبىرىنشى ءبولىمى «كاسىبي مەملەكەتتىك اپپارات قۇرۋدان» باستالۋىنىڭ ءوزى وسىناۋ ماسەلەنىڭ وزەكتى ەكەندىگىن جانە كۇردەلى وزگەرىستەر قاجەتتىگىن كورسەتەدى. مۇندا مەملەكەتتىك قىزمەتكەرلەردىڭ كاسىبي شەبەرلىگى، ىسكەرلىگى، ادامگەرشىلىك ەتيكالىق ەرەجەلەردى ساقتاۋى ەرەكشە ەسكەرىلگەن.
سوندىقتان جوسپاردىڭ 1-قادامى مەملەكەتتىك قىزمەتكە قابىلداۋ رەسىمدەرىن جاڭعىرتۋعا ارنالعان. وندا مەملەكەتتىك قىزمەتكە قابىلداۋ تومەنگى لاۋازىمداردان باستالۋى ءتيىس ەكەندىگى اتاپ وتىلگەن. 2-قادامدا «تومەنگى لاۋازىمدارعا كانديداتتاردى رەتتەۋ جانە ودان ءارى لاۋازىمدىق ءوسۋ ىسكەرلىك قاسيەتتەر نەگىزىندە جۇزەگە اسىرىلۋى ءتيىس» دەگەن مىندەت قويىلسا، 3-قادامدا: «قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءرولىن ارتتىرۋ» ماسەلەسى بويىنشا ورىندالۋى ءتيىس مىندەتتەر جان- جاقتى باياندالعان.
ۇلت جوسپارىنىڭ 4, 5, 6 جانە 7-قادامدارىندا مەملەكەتتىك قىزمەتكە ءبىرىنشى رەت قابىلدانۋشىلار ءۇشىن مىندەتتى تۇردە سىناق مەرزىمىن ەندىرۋ، مەملەكەتتىك قىزمەتكەرلەردىڭ جالاقىسىن قىزمەتىنىڭ ناتيجەسىنە بايلانىستى ءوسىرۋ، ەڭبەكاقىنى ناتيجە بويىنشا تولەۋگە كوشۋ، مەملەكەتتىك قىزمەتكەرلەردىڭ لاۋازىمدىق ەڭبەكاقىلارىنا وڭىرلىك ۇيلەستىرۋ كوەففيتسەنتتەرىن قوسۋ مىندەتتەرى بويىنشا ناقتى تاپسىرمالار بەرىلگەن. 8-قادامدا اۋىستىرىلاتىن مەملەكەتتىك قىزمەتكەرلەرگە لاۋازىمدىق مىندەتتەرىن اتقارۋ كەزەڭىندە ولارعا جەكەشەلەندىرۋ قۇقىعىنسىز قىزمەتتىك پاتەرلەردى مىندەتتى تۇردە بەرۋ كوزدەلگەن.
جوسپاردىڭ 9-قادامىندا: «مەملەكەتتىك قىزمەتكەرلەردى تۇراقتى تۇردە وقىتۋ جۇيەسىن زاڭدى تۇردە بەكىتۋ - ءۇش جىلدا ءبىر رەت ولاردىڭ كاسىبي شەبەرلىگىن ارتتىرۋ» دەلىنگەن. وسى ورايدا «قازي ي ت ۋ» عىلىمي- ءبىلىم كەشەنى جانىندا «مەملەكەتتىك قىزمەت جانە جۇمىسقا ورنالاستىرۋ ينستيتۋتى» بولاشاق مەملەكەتتىك قىزمەتكەرلەردىڭ ءبىلىمىن جەتىلدىرۋدى باستاپ كەتتى. اتالمىش ينستيتۋتتىڭ ماتەريالدىق بازاسى، وقۋ جوسپارى ولاردىڭ بىلىكتىلىگىن ارتتىرۋعا، ءبىلىم بەرۋگە ساي كەلەدى.
سونىمەن بىرگە سىبايلاس جەمقورلىققا قارسى ءىس- قيمىل بويىنشا ادىستەمەلىك ۇسىنىستاردىڭ ەنگىزىلۋى، دوڭگەلەك ۇستەل، كونفەرەنتسيا، ءدارىس، سەمينار، ترەنينگتىك وقىتۋلاردىڭ وتكىزىلۋى بولاشاق مەملەكەتتىك قىزمەتكەرلەردى دايارلاۋعا وڭ اسەر بەرەرى ءسوزسىز.
مەملەكەتتىك قىزمەتكەرلەردى مانساپتىق جوعارىلاتۋ ءۇشىن كونكۋرستىق نەگىزگە كوشۋ (10-قادام) ، شەتەلدىك مەنەدجەرلەردى، جەكەمەنشىك سەكتوردىڭ جەكەلەگەن ماماندارىن، حالىقارالىق ۇيىمداردىڭ قىزمەتكەرلەرى بولىپ تابىلاتىن قازاقستان رەسپۋبليكاسىنىڭ ازاماتتارىن مەملەكەتتىك قىزمەتكە جىبەرۋ (11-قادام) دە، ءسوز جوق، ماڭىزدى.
جەمقورلىققا قارسى كۇرەس - ەلباسى ساياساتىنىڭ باسىم باعىتتارىنىڭ ءبىرى. بۇل ماسەلە ۇلت جوسپارىنىڭ 13-قادامىندا ناقتى كورىنىس تاپقان. سونىمەن قاتار ۇلت جوسپارىندا مەملەكەتتىك قىزمەت تۋرالى جاڭا زاڭ قابىلداۋ (14-قادام) ، مەملەكەتتىك قىزمەت تۋرالى جاڭا زاڭ قابىلدانعاننان كەيىن ءىس باسىنداعى مەملەكەتتىك قىزمەتكەرلەردى كەشەندى اتتەستاتتاۋدان وتكىزۋ (15-قادام) ماسەلەلەرى سيپاتتالعان.
قورىتا ايتقاندا، «100 ناقتى قادامنىڭ» «كاسىبي مەملەكەتتىك اپپارات قۇرۋ» بولىمىندە بەلگىلەنگەن مەملەكەتتىك قىزمەتكەرلەردىڭ مىندەتتەرى مەن ولارعا قاتىستى ناقتى ماسەلەلەر ەلىمىزدەگى مەملەكەتتىك قىزمەت سالاسىن جاڭا دەڭگەيگە كوتەرەرى انىق. بۇل رەتتە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى ب ق و بويىنشا دەپارتامەنتى جانىنداعى قوعامدىق كەڭەس تە جەرگىلىكتى اتقارۋشى ورگانداردىڭ مەملەكەتتىك قىزمەت كورسەتۋ ساپاسىنا تالداۋ جاساۋ، بۇقارالىق اقپارات قۇرالدارىمەن ارىپتەستىك بايلانىس ورناتۋ، تەكسەرۋلەر ناتيجەسىندە انىقتالعان كەمشىلىكتەردى جويۋ، سىبايلاس جەمقورلىققا قارسى ۇكىمەتتىك ەمەس ۇيىمدارمەن بىرلەسكەن جۇمىستار جۇرگىزۋ باعىتىندا ناقتى شارالاردى جۇزەگە اسىرا بەرەتىن بولادى.
اۆتور: ەلجان ەرالى
