الماتى وبلىسىنىڭ وقۋشىلارى وقۋلىقتارمەن 100 پايىز قامتىلادى

قازىردىڭ وزىندە 500 گە تارتا جاڭا وقۋلىقتار ساتىپ الىندى. بيىلعى جىلى ادەتتەگىدەي ەكى سىنىپتا عانا ەمەس، ءتورت سىنىپتا وقۋ ماتەريالدارى تولىق جاڭارتىلادى.

«بۇگىندە وبلىس بويىنشا 80 پايىزدان استام وقۋلىقتار جەتكىزىلدى. ونىمەن 100 پايىز قامتاماسىز ەتىلگەن اۋداندار دا بار. بۇلار - قاراتال اۋدانى جانە قاپشاعاي قالاسى. جامبىل، قاراساي، اقسۋ اۋداندارىندا قامتاماسىز ەتۋ كورسەتكىشى 90 پايىزدى قۇرايدى. «ءار وقۋشىعا - وقۋلىق» اكسياسى اياسىندا ءبىز وقۋلىقتاردى تاراتۋدى 10- تامىزعا قاراي باستايمىز. ال 1- قىركۇيەكتە ءار بالانىڭ قولىندا وقۋلىقتارى بولۋىنا تىرىسامىز. ەگەر بۇرىن بالالاردىڭ وقۋلىقتارمەن قامتاماسىز ەتىلۋى وبلىس بويىنشا 86 پايىز بولىپ، العاشقى كەزەكتە وقۋلىقتاردى كوپبالالى جانە تۇرمىسى تومەن وتباسىلاردىڭ بالالارى الىپ كەلگەن بولسا، ەندى بارلىعى دا تەگىن مەكتەپ وقۋلىقتارىنا يە بولادى. دەگەنمەن، وقۋ قۇرالدارىنا تاپسىرىس بەرىلگەن كەزدە، وڭىرگە وقۋ جىلىنىڭ باستالار الدىندا كەلگەندەر ەسەپكە كىرمەي قالۋى مۇمكىن. وقۋلىقتارعا تاپسىرىستار 25- مامىرعا دەيىنگى وبلىس مەكتەپتەرىندەگى وقۋشىلار سانىنا قاراي بەرىلدى»، - دەپ اتاپ كورسەتتى الماتى وبلىسى ءبىلىم باسقارماسىنىڭ باسشىسى ءلاززات بازارقۇلوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى