سىرتقى ءھام ىشكى فاكتورلاردى قارسى «100 ناقتى قادام» ۇلت جوسپارىنىڭ سەپتىگى مول - ز. قابىلدينوۆ

 بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «حالىقتار كەلىسىمى» قوعامدىق قورىنىڭ ديرەكتورى، ۇلتتىق كونگرەستىڭ عالىم حاتشىسى زيابەك قابىلدينوۆ وسىلاي ايتتى.

 ساراپشىنىڭ سوزىنە قاراعاندا، ەلباسىنىڭ حالىققا ارناعان بەس ينستيتۋتسيونالدىق رەفورماسىندا قوعام مەن ەلدىڭ الدىنداعى ماسەلەلەردى شەشۋدىڭ باعىت- باعدارى ايقىندالدى. «100 ناقتى قادامدا» ونداي باعداردى ورىنداۋ جولدارى كورسەتىلىپ وتىر. سوعان وراي، زيابەك قابىلدينوۆ قوعامدا قالىپتاسقان ماسەلەلەردىڭ ءبارى ەلباسى اي قىنداعان «100 قادامنىڭ» ارقاسىندا شەشىلەتىنىنە سەنىمدى ەكەنىن جەتكىزدى.

 «بۇل رەتتە قازاقستاندى ۇلتارالىق كەلىسىم ساقتالعان مەملەكەت رەتىندە كورسەتەتىن ءبىرىنشى فاكتور بۇل قازاقستان پرەزيدەنتى نۇرسۇلتان نازاربايەۆتىڭ ساۋاتتى ساياساتى، ياعني بۇل - پرەزيدەنتتىك فاكتور. مەملەكەت باسشىسى ءوزىنىڭ ايقىنداعان ساياساتى ارقاسىندا قازاقستاندى ەڭ تولەرانتتى، اشىق ءارى قوناقجاي مەملەكەت رەتىندە تانىتادى. بۇگىنگى قازاقستان الەم ءۇشىن - ۇلتارالىق كەلىسىم مەن تاتۋلىق ەلى»، - دەپ اتاپ ءوتتى ز. قابىلدينوۆ.

سونىمەن قاتار، ساراپشى بۇگىنگى الەمدىك وزگەرىستەرگە توقتالا كەلە، ونداي سىرتقى قاتەرلەرگە قارسى تۇرارلىق كۇش - ەل بولىپ ورتاق ىسكە جۇمىلۋ ەكەنىن جەتكىزدى. «ءبىز ەلباسى ايقىنداعان ماقسات- مىندەتتەردى ورىنداۋعا كۇشىمىزدى اياماۋعا ءتيىسپىز. بۇگىنگى الەمدە ەكونوميكالىق داعدارىس بەلەڭ الىپ، الىپ مەملەكەتتەر ءبىر- بىرىنە سانكسيا جاريالاپ جاتىر. ال بۇنداي جاعدايدا ىشكى پروبلەمالاردى جانە الەمدە ورىن الىپ وتىرعان وقيعانىڭ سالدارىن شەشۋگە «100 ناقتى قادام» ۇلت جوسپارى ءوز سەپتىگىن تيگىزە الادى»، - دەدى ساراپشى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى