تۇركيانىڭ اكادەميالىق توپتارى «ۇلت جوسپارى-100 ناقتى قادامدى» جوعارى باعالادى - فوتو
ەلشىلىكتىڭ باسپا ءسوز قىزمەتىنىڭ حابارلاۋىنشا، كونفەرەنتسيا جۇمىسىنا ۋنيۆەرسيتەتتىڭ پروفەسسورلىق-وقىتۋشىلىق قۇرامى، ەل اكادەميالىق توپتارىنىڭ وكىلدەرى، ت ر پارلامەنتى دەپۋتاتتارى، الدىڭعى قاتارلى قوعامدىق-ساياسي جانە مەملەكەتتىك قايراتكەرلەر، ولاردىڭ ىشىندە حاتاي پروۆينتسياسىنىڭ گۋبەرناتورى ەرجان توپادجا، قالا ءمەرى ءتۇتفۋ ساۆاش، بيلىكتەگى ادىلەت جانە دامۋ پارتياسىنىڭ دەپۋتاتى مەحمەت ونتۇرىك، حاتاي ۋنيۆەرسيتەتىنىڭ رەكتورى پروفەسسور حاسان كايا، ق ر- نىڭ ت ر- داعى ەلشىسى ج. تۇيمەبايەۆ، سونداي-اق قالا جاستارى مەن ستۋدەنتتەر قاتىستى.
ج. تۇيمەبايەۆ ءوزىنىڭ كىرىسپە سوزىندە قاتىسۋشىلاردى قازاقستان پرەزيدەنتى ن. ءا. نازاربايەۆ باستاماسىمەن قابىلدانعان «ۇلت جوسپارى-100 ناقتى قادام» باعدارلاماسىنىڭ نەگىزگى قاعيدالارىنان حاباردار ەتتى.
حاتاي پروۆينتسياسىنىڭ گۋبەرناتورى ە. توپادجا ءوز سوزىندە الەمدىك قاۋىمداستىقتا كورنەكتى رەفورماتور رەتىندە مويىندالعان ق ر پرەزيدەنتى ن. ءا. نازاربايەۆتىڭ «ۇلت جوسپارى» اتتى باعدارلاماسىنىڭ ەرەكشەلىگىن اتاپ ءوتتى.
«ءساتتى مەملەكەتتەردىڭ دامۋ تاجىريبەسىنىڭ ەڭ ۇزدىگىن العان ۇلت جوسپارىن جۇزەگە اسىرۋ ماسەلەسى قازاقستاندى جاڭا دامۋ كەزەڭىنە شىعارىپ، الەمنىڭ ەڭ قارىشتى دامىعان ەلدەرىنىڭ قاتارىنا شىعارا الادى. ءبىز ءوز تاراپىمىزدان اتالعان ءىرى باعدارلامانىڭ جۇزەگە اسىرىلۋىنا ۇلەس قوسۋعا دايىنبىز»، - دەدى ول.
مۇستافا كەمال اتاتۇرىك اتىنداعى ۋنيۆەرسيتەتىنىڭ رەكتورى پروفەسسور حاسان كايا قازاقستاندىق «ۇلت جوسپارىنىڭ» بارلىق سالانى قامتيتىن قۇجات ەكەندىگىنە باسا توقتالدى.
قاتىسۋشىلار سونداي-اق ق ر پرەزيدەنتىنىڭ تۇرىك قوعامىندا دا قولداۋىن تاۋىپ جاتقان مادەنيەتتەر مەن دىندەر اراسىنداعى ديالوگ سالاسى بويىنشا باستامالارىن جوعارى باعالادى.
ءىس-شارا اياسىندا قازاقستان تۋرالى بەينەروليك كورسەتىلىپ، تۇرىك تىلىنە اۋدارىلعان قازاقستان تۋرالى كىتاپتار كورمەسى مەن قازاق-تۇرىك قارىم-قاتىناستارى تۋرالى فوتو كورمە ۇسىنىلدى.
ايتا كەتسەك، حاتاي - تۇركيانىڭ الەۋەتتى پروۆينتسياسى، سيريامەن شەكارادان 30 شاقىرىم جەردە ورنالاسقان جانە ءۇش نەگىزگى يسلام، حريستيان مەن يۋدايزم دىندەرىنىڭ بەيبىت قاتار ءومىر سۇرەتىن اۋماعى. حاتايدىڭ العاشقى تۇرعىندارى اسسيريالىقتار بولعان. ولار مۇندا ب. ە. Ⅲ عاسىردا كەلگەن. پروۆينتسيانىڭ اۋماعىندا كوپتەگەن مەشىتتەر، موناستىرلەر مەن شىركەۋلەر بار. ولاردىڭ ىشىندە كونە سيريالىق حريستياندار قۇرعان ءالى دە جۇمىس ىستەپ جاتقاندارى جەتەرلىك.
