نيۋ- يوركتەگى بالالار كينوسىنىڭ حالىقارالىق فەستيۆالىندە 100 فيلم كورەرمەنگە جول تارتپاق

 كينوبايقاۋ ءۇش اپتادان استام ۋاقىتقا جالعاسادى. وسى ۋاقىتتا كورەرمەندەر 3-18 جاس ارالىعىنداعى بالالار مەن جاسوسپىرىمدەرگە كورۋگە ارنالعان تۋرا 100 فيلمدى ۇسىنادى.

فەستيۆالعا انيماتسيالىق، كوركەم تولىق مەتراجدى جانە قىسقامەتراجدى لەنتالار دا قاتىسۋدا.

 كينوفورۋمدى جاپوندىق رەجيسسەر حيروماسا ينەباياسيدىڭ « مارنيدىڭ ەستەلىكتەرى» (When Marnie Was There) فيلمى اشتى. فەستيۆالدا سونداي- اق «ااردمان انيمەيشنس» (Aardman Animations) بريتاندىق مۋلتيپليكاتسيالىق ستۋدياسى تۇسىرگەن « قوزى شون» (Shaun the Sheep the Movie) لەنتاسى كورسەتىلمەك.

كورەرمەندەر فرانسيا رەجيسسەرى نيكوليا ۆانەدىڭ ەكىنشى دۇنيەجۇزىلىك سوعىس كەزىندەگى جەتىم بالا مەن ءيتتىڭ دوستىعى تۋرالى «بەلل جانە سەباستيان» (Belle et Sebastien) لەنتاسىن تاماشالايدى. بۇدان باسقا، فەستيۆالدا وڭتۇستىك كورەيالىق «ءبىرىنشى سەرىك پەن شۇبار سىيىر» (The Satellite Girl and Milk Cow) مۋلتفيلمى مەن جاپونيا سۋرەتشىسى تاكاشي مۋراكاميدىڭ رەجيسسەرلىك دەبيۋتى - « مەدۋزانىڭ كوزى» (Jellyfish Eyes) كوركەم فيلمى ۇسىنىلادى.

نيۋ- يوركتەگى بالالار كينوسىنىڭ حالىقارالىق فەستيۆالىنىڭ نەگىزى 1997 - جىلى قالانعان. جىل سايىن وعان 30 مىڭعا جۋىق ادام قوناق بولۋدا. بيىلعى جىلى بۇل كينوبايقاۋدا رەسەيلىك فيلمدەر ۇسىنىلعان جوق.

 بەس الاڭدا وتەتىن فەستيۆال 22 - ناۋرىزعا دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى