كورنەكتى مەملەكەت جانە قوعام قايراتكەرى جۇمابەك تاشەنوۆتىڭ 100 جىلدىعىنا ارنالعان كورمە وتۋدە
اتالمىش ءىس- شارا استانا قالاسى مادەنيەت باسقارماسىنىڭ قولداۋىمەن ۇيىمداستىرىلدى. ەكپوزيتسياعا ەلىنە ەرەن ەڭبەگى سىڭگەن قايراتكەر ج. تاشەنوۆتىڭ جەكە زاتتارى - فوتوسۋرەتتەرى، قولجازبالارى، كىتاپتارى، جەكە كۋالىكتەرى، فوتواپپاراتى جانە ت. ب. قويىلدى.
ءىس- شارانىڭ ماقساتى ەلىمىزدىڭ ايتۋلى ازاماتتارىنىڭ ەڭبەكتەرىن بولاشاق ۇرپاقتىڭ ساناسىنا ءسىڭىرۋ بولىپ تابىلادى.
قازاق ك س ر جوعارعى كەڭەسى ءتورالقاسىنىڭ ءتوراعاسى، كەيىن مينيسترلەر كەڭەسىنىڭ ءتوراعاسى قىزمەتتەرىندە بولعان جۇمابەك تاشەنوۆ قازاقستان اۋماعىنىڭ تۇتاستىعىن ساقتاۋعا زور ۇلەسىن قوسىپ، ەلىمىزدىڭ ەكونوميكالىق جانە وندىرىستىك جوبالارىنىڭ قارجىلاندىرىلۋىنا اتسالىستى. استانادا قوعام قايراتكەرى ج. تاشەنوۆتىڭ ەسىمى بەرىلگەن كوشە بار.
كورمە جۇمىسى 25 - ناۋرىزعا دەيىن جالعاسادى. كىرۋ - تەگىن.
