مۇناي كومپانيالارى 100 مىڭنان استام ادامدى جۇمىستان بوساتتى
بۇل تۋرالى لەنتا. رۋ حابارلادى.
امەريكاندىق Swift Worldwide Resources رەكرۋتينگ كومپانياسىنىڭ باس ديرەكتورى توبياس ريد جۇمىستان بوساتۋدىڭ نەگىزگى ۇلەسى ا ق ش مۇناي سەكتورىنا تيەسىلى جانە نەگىزىنەن سلانەتس مۇنايىن ءوندىرۋ جوبالارىن قوزعايدى، دەپ اتاپ ءوتتى. سونداي- اق مۇنداي قىسقارتۋلار شوتلانديانىڭ، اۆستراليانىڭ جانە برازيليانىڭ ءبىرقاتار ءىرى جوبالارىن دا قامتىدى.
«مۇناي سەكتورىنىڭ قىزمەتكەرلەرى كۇردەلى جاعدايعا تاپ بولىپ وتىر. بۇدان بۇرىنعى جەتى جىلدىڭ ىشىندە جۇمىس كۇشىنىڭ جەتىسپەۋشىلىگى بايقالعان بولاتىن، ال ەندى قازىر العاش رەت ولاردىڭ شەكتەن تىس اسىپ كەتكەنىن كورىپ وتىرمىز. قازىرگى كەزدە كومپانيالار قىزمەتكەرلەرى جۇمىسقا الىپ جاتقان جوق»، - دەيدى ريد.
BP جانە Royal Dutch Shell ءىرى مۇناي كومپانيالارىنىڭ باسشىلارى شىعىندارىن 40 ميلليارد دوللاردان استام سوماعا قىسقارتاتىنىن جاريالادى جانە مۇناي نارىعىنداعى جاعداي تۇزەلمەسە، بۇدان دا كوبىرەك قىسقارتۋلارعا باراتىنىن مالىمدەدى.
جەلتوقسان ايىندا ВР باسشىلىعى شتاتىن قىسقارتاتىنىن جاريالادى، بۇل وعان ءبىر ميلليارد قارجى ۇنەمدەۋگە مۇمكىنىدك بەرمەك.
قاڭتار ايىندا Wood Group مۇناي سەرۆيسى جانە ينجينيرينگ كومپانياسىنىڭ بۇرىنعى باسشىسى يان ۆۋد ۇلى بريتانياداعى مۇنايدىڭ قايراڭداعى يندۋسترياسىنا تالداۋ جاساي كەلىپ، «قارا التىنعا» الەمدىك باعانىڭ تومەندەۋى سالدارىنان سولتۇستىك تەڭىز ايماعىندا 15 مىڭعا دەيىن مۇنايشىلار جۇمىسىنان ايىرىلۋى ىقتيمال ەكەنىن ءمالىم ەتتى.
سونداي- اق قاڭتار ايىندا كانادالىق Suncor Energy مۇناي ءوندىرۋ كومپانياسى ءبىر مىڭ قىزمەتكەرىن جۇمىستان بوساتاتىنىن جانە كاپيتال سالىمدارىن 1 ميلليارد دوللارعا قىسقارتاتىنىن جاريالادى.
Goldman Sachs بانكى تاياۋداعى ءۇش ايدا WTI مۇنايىنىڭ باررەلى 41 دوللار، Brent - 42 دوللار بولادى دەپ پايىمدايدى. بۇكىل الەمدىك بانك 2015 - جىلى مۇناي باعاسى ەڭ تومەن بولادى دەگەن بولجام جاساپ وتىر. وسى ۇيىم 2016 -جىلى مۇناي باعالارى ازداپ قانا ءوسۋى مۇمكىن دەپ اتاپ ءوتتى.
