قازاقستاندا جىلىنا 100 ميلليون توننا مۇناي وندىرىلەدى

بۇل تۋرالى ەلوردادا وتكەن «ترانزيتتىك ءدالىزدى دامىتۋ - جاھاندىق ەنەرگەتيكالىق قاۋىپسىزدىك كىلتى» اتتى ەنەرگەتيكالىق حارتيا كونفەرەنتسياسىندا ق ر ەنەرگەتيكا ءمينيسترى ۆلاديمير شكولنيك ءمالىم ەتتى.  

«تاۋەلسىزدىك جىلدارى ىشىندە ءبىز مۇنايدىڭ دالەلدەنگەن مول قورى بويىنشا ۇزدىك 15 ال گاز قورى بويىنشا ۇزدىك 20 مەملەكەتتىڭ قاتارىنا ەندىك. سوڭعى جيىرما جىل ىشىندە ءبىزدىڭ ەلىمىزدە مۇناي ءوندىرۋ كولەمى ءۇش ەسەدەن استامعا ءوستى جانە تاۋلىگىنە 1,6 ميلليون بارەلل مۇناي وندىرىلەدى»، - دەدى مينيستر.

ونىڭ ايتۋىنشا، وسى ۋاقىت ارالىعىندا ەلىمىزدە گاز ءوندىرۋ كولەمى دە بەس ەسەگە ارتقان. بۇگىندە قازاقستاندا جىل سايىن 40 ميلليارد تەكشە مەتردەن استام گاز ءوندىرىلۋ ۇستىندە.

«ءبىزدىڭ بولجامىمىزشا، 2020 -جىلدان كەيىن قازاقستانداعى مۇناي ءوندىرۋ كولەمى جىلىنا 100 ميلليون توننادان اسىپ جىعىلاتىن بولادى نەمەسە تاۋلىگىنە ەكى ميلليون باررەلدى قۇرايدى»، - دەدى ۆ. شكولنيك.  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى