ءبىرىنشى دۇنيەجۇزىلىك سوعىستىڭ باستالعانىنا - 100 جىل

ۇزاققا سوزىلعان سويقان تەك 4 جىلدان كەيىن گەرمانيا مەن انتانتا قارۋلى قاقتىعىستى توقتاتۋ تۋرالى شەشىمگە قول قويعان سوڭ عانا تولاستاعان بولاتىن. تاياۋدا بەلگيادا سول سۇراپىل سوعىس جىلدارى قازا تاپقان 600 ازاماتتى ەسكە الۋ شاراسى وتكىزىلدى.

بەلگيا پاتشاسى فيليپپ جانە حانشايىم ماتيلدا پلوگستيرت ەسكەرتكىشىندە سالتاناتتى شارانى اشتى. سوعىستا قايتىس بولعان اسكەريلەر مەن قاراپايىم تۇرعىنداردىڭ ەسىمى اتالىپ، ەرلىكتەرى كوپشىلىككە ۇلگى بولدى. ەيزەرتون ەسكەرتكىشىنىڭ شامشىراعى جاعىلىپ، تاريحي وقيعا تاعى ءبىر مارتە ەسكە الىندى.

ەليزاۆەتا، بەلگيا حانشايىمى:

- ءبىز ەل نامىسىن قورعاعان جانداردىڭ ەرلىگىن ەشقاشان ۇمىتپايمىز. جاستار قاۋىمى ولاردى ۇلگى ەتەدى.

ەسكە الۋ شارالارى بىرنەشە ايماقتا ءوتتى. ولاردىڭ قاتارىنداعى تاريحي وشاق -  يپر قالاسى. ماڭىزدى شايقاستار بولعان اۋماقتاردى «فلاندريا مايدانى» دەپ اتاعان. يپردەگى مۇراجايدىڭ اتى دا وسى. مۇندا سوعىس جىلدارىنىڭ بارلىق دەرەكتەمەسى ساقتالعان.

دومينيك دەندۋۆەن، مۇراجاي قىزمەتكەرى:

- 1915 -جىلدىڭ 22 ساۋىرىندە يپر تۇرعىندارى قالادان شىعارىلعانىمەن، ارنايى جاسالعان گاز شابۋىلىنان قالا تۇگەلدەي جويىلدى. ءبىزدىڭ قالامىزدى 54 مىڭ اسكەري ازامات قورعاپ تۇرعان. ولار ءيپردى قورعاپ قالۋ ءۇشىن بارىن سالعان ەدى.

بيىل ءبىرىنشى دۇنيەجۇزىلىك سوعىستىڭ باستالعانىنا 100 جىل تولىپ وتىر. دەگەنمەن، ونىڭ زاردابى بارشا قاۋىمنىڭ ەسىندە. ال مۇنداي شارالار جاس ۇرپاققا بەيبىت ءومىردىڭ قۇندىلىعىن تاعى ءبىر مارتە ۇعىندىرادى. 

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى