جاڭاوزەن قالاسىندا 100 گە جۋىق سايگۇلىك قاتىسقان بايگە ءوتتى

تۇلپارلار 5 قاشىقتىقتا بابى مەن باقتارىن قاتار سىنادى. ءار ءوڭىردىڭ ءۇمىتىن ۇكىلەگەن تۇلپارلاردىڭ شابىسىنا ءۇن قوسا كەلگەن كورەرمەندە شەك جوق. ءدۇبىرلى دوداعا ماڭعىستاۋ، اتىراۋ، اقتوبە جانە قىزىلوردا وبلىستارىنان 100 گە جۋىق سايگۇلىك قاتىستى.

«ءوزىمىزدىڭ مۇنايشىلارعا، جاڭاوزەن تۇرعىندارىنا سىي رەتىندە ۇيىمداستىرىپ وتىرمىز. ات جارىسى ۇلى الامان، الامان، قۇنان جانە ۇشقىر بايگە مەن تاي جارىسى سياقتى بايگەنىڭ 5 ءتۇرى بويىنشا ءوتتى. ەڭ الدىمەن قىسقا قاشىقتىقتا 1 جاسقا دەيىنگى جىلقىلار جارىستى. 7 اتاسىنان بەرى اتبەگىلىك كاسىپتى ۇستانعان 70 جاستاعى تىلەگەن ءورىسباي ۇلىنىڭ سايگۇلىگى مارە سىزىعىن ءبىرىنشى بولىپ قيدى.

ال الامان بايگەدە اسىل تۇقىمدى اداي جىلقىسىنىڭ باعى جاندى. شولگە ءتوزىمدى، ۇزاققا شاباتىن جۇيرىك ات 40 شاقىرىمدى ەش قيىندىقسىز ەڭسەردى»، - دەدى شارانى ۇيىمداستىرۋىشىلاردىڭ ءبىرى «وزەن مۇناي گاز» ا ق باس ديرەكتورى ماقسات يباعاروۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى