ماتچ كەزىندە اجال قۇشقان فۋتبولشىنىڭ وتباسى 100 مىڭ دوللار وتەماقى الادى

بۇل تۋرالى شەتەلدىك ب ا ق اتالعان فەدەراتسيانىڭ باسپا ءسوز قىزمەتىنە سىلتەمە جاساپ حابارلادى.

«فاف، كاسىبي فۋتبول ليگاسى جانە كلۋب 100 مىڭ دوللار كولەمىندە وتەماقى تولەۋ تۋرالى ۋاعدالاستى. ول قازا تاپقان فۋتبولشىنىڭ وتباسىنا اۋدارىلادى. بۇعان قوسا، كەلىسىم شارتتىڭ سوڭىنا دەيىنگى ويىنشىنىڭ بارلىق جالاقىسى دا تولەنەتىن بولادى»، - دەلىنگەن حابارلامادا.

ايتا كەتەيىك، قايعىلى وقيعا الجير چەمپيوناتى كەزىندە «ج س كابيليا» مەن «ۋسم الجير» اراسىنداعى كەزدەسۋدە ورىن العان ەدى. ويىن بارىسىندا قوناقتار الاڭ قوجايىندارىن 2:1 ەسەبىمەن تىزە بۇكتىرگەن. كەزدەسۋ اياقتالعاننان كەيىن ويىن ناتيجەسىنە كوڭىلى تولماعان جانكۇيەرلەر فۋتبولشىلارعا ءتۇرلى زاتتار لاقتىردى. سونداي ءساتتىڭ بىرىندە ءوز كومانداسىنا جالعىز گول سىيلاعان ەبوسسەنىڭ باسىنا تاس ءتيدى. وسىدان كەيىن 24 جاستاعى كامەرۋندىق فۋتبولشى ەس جيماستان اۋرۋحانادا ومىردەن وزدى.

الجير ىشكى ىستەر مينيسترلىگى اتالعان ىسكە بايلانىستى تەرگەۋ امالدارىن جۇرگىزۋدە.

ەبوسسە 2013- جىلدان «ج س كابيليا» ساپىندا ونەر كورسەتكەن ەدى. ول وتكەن ماۋسىمدا قارسىلاستارىنىڭ قاقپاسىنا 17 دوپ سوعىپ، الجير چەمپيوناتىنىڭ ەڭ ۇزدىك شابۋىلشىسى اتانعان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى