ماڭعىستاۋ وبلىسىنىڭ تۇرعىنى پوليتسياعا 100 جىل بۇرىن جاسالعان قۇندى قارۋدى تاپسىردى
التىاتاردىڭ ايماققا قالاي كەلگەنى بەلگىسىز.
بۇل قارۋ ن ك ۆ د قىزمەتكەرلەرىنە تيەسىلى بولعان دەگەن بولجام بار.
جاسالعانىنا ءبىر عاسىر بولسا دا ءالى جارامدى. ساراپشىلاردىڭ ايتۋىنشا، كوللەكتسيا جيناۋشىلاردىڭ نارىعىندا مۇنداي قارۋ شامامەن 1000 ا ق ش دوللارى تۇرادى ەكەن.
ادەتتە ق ر ىشكى ىستەر دەپارتامەنتىنە تاپسىرىلعان قارۋ-جاراقتىڭ ءبارى جويىلاتىن، ال اتالعان تاريحي جادىگەر ساقتالاتىن بولدى.
تاپانشا وبلىستىق ءى ءى د-تە جاڭادان اشىلعان مۇراجايعا قويىلدى.
مۇقان كۇمىسوۆ، وبلىستىق ءى ءى د قارۋ اينالىمىن باقىلاۋ توبىنىڭ اعا ينسپەكتورى:
- جەتىباي سەلوسىنىڭ تۇرعىنى تاپسىردى. ءوزىنىڭ اتىن ايتقىسى كەلگەن جوق. ريەۆولۆەر 1915 - جىلى شىققان. «تۋلسكي يمپەراتور ۆەليكي قارۋ-جاراق زاۋىتى» دەپ جازىلعان قارۋدى تاپسىردى. بۇل ويىق ۇڭعىلى تاپانشا بولىپ ەسەپتەلەدى. ۆاسيلي پلاتونوۆ، تاۋەلسىز ساراپشى: - ەرتەرەكتە مۇنداي ۇلگىدەگى تاپانشالاردى وفيتسەرلەر ءۇشىن جاساعان. قارۋ جاقسى ساقتالعان ەكەن. ءالى جارامدى. وق-ءدارى سالىناتىن جەرى دە، شۇرىپپەسى دە جاپ-جاقسى جۇمىس ىستەپ تۇر. ءوڭىر تۇرعىندارى وسى كۇنگە دەيىن 94 قارۋ-جاراق پەن 12 مىڭداي وق-ءدارىنى ءوز ەركىمەن تاپسىرعان. ولارعا مەملەكەتتەن شامامەن 2 جارىم ميلليون تەڭگە تولەنبەك. پوليتسيا قىزمەتكەرلەرى ايماق تۇرعىندارىنىڭ زاڭسىز ساقتالعان اتىس قارۋى بولسا، مامىر ايىنىڭ سوڭىنا دەيىن ەرىكتى تۇردە تاپسىرۋىن سۇرايدى.
24.kz
