تۇيە تۇماۋى ىندەتىنەن 100 دەن استام ادام كوز جۇمعان

سوندىقتان ەلىمىزدىڭ تۋريزم كوميتەتى تۇرعىنداردان قاۋىپتى كەسەل تارالىپ جاتقان مەملەكەتتتەرگە بارۋدى كەيىنگە قالدىرۋدى سۇرادى. ءبىر انىعى ءبىزدىڭ تۇيەسى كوپ وبلىستارعا ازىرشە ءتونىپ تۇرعان قاۋىپ جوق.

بىرىككەن اراب امىرلىگىنە بارعان تۋريستەر ءدال وسىنداي تۇيەلەرگە مىنەمىن دەپ اۋرۋ جۇقتىرعان. مامانداردىڭ ايتۋىنشا، ۆيرۋس تۇيەنىڭ تىنىس جولدارى ارقىلى تارايدى. ال، تۇماۋعا شالدىققان ادامنىڭ باستاپقىدا باسى اۋىرىپ، مازاسى قاشادى سوڭى وكپەنىڭ قابىنۋىنا اينالادى ەكەن. قازىر كۋۆەيت، كاتار، مىسىر سەكىلدى ەلدەردە وسى قاتەرلى ىندەتتەن 100 دەن استام ادام كوز جۇمعان.

 تۇيەلەر ءبىزدىڭ ەلىمىزدە دە ەركىن جايىلىپ ءجۇر.  قىزىلوردا وبلىسىندا جەكە باسىندا جۇزدەگەن تۇيەسى بار فەرمەرلەر وتە كوپ. ءبىراق، مۇنداعى شارۋالار ادام ءومىرىن جالماپ جاتقان «تۇيە تۇماۋىنان» مۇلدەم حابارسىز.

ءماريام ەرمەكبايەۆا، تۇيەشى:

- تۇيەلةردئ ازاندا ساعات 8 دە شىعارىپ جىبەرەمىز. 3-4 ساعات سايىن بوتالارئن ەمىزىپ تۇرامىز. قازىر ساۋۋعا بولمايدى ءبىراق، وركەش بايلاعان كەزدە 2 ايدان كەيىن ساۋۋعا بولادى.

 قاقاعان قىس پەن اپتاپ ىستىققا ءتوزىمدى جانە شىعىنى از تۇيە شارۋاشىلىعى  قىزىلوردا وبلىسىندا كەڭىنەن دامىعان بيزنەس دەۋگە بولادى. جۇرت جانۋاردىڭ ەتىن، ءسۇتىن، ءجۇنىن ساتىپ قوماقتى تابىس تاباۋىپ وتىر.

- تۇيەلەردىڭ قۇنى سالماعىنا قاراي ارتا بەرەدى. ماسەلەن، تۋعانىنا 1 جىل بولعاندارى 500 مىڭ تەڭگە بولسا، ال اراسىنداعى بۋرالار ميلليون تەڭگەگە دەيىن جەتەدى ەكەن.

ال تاياۋ شىعىستى ەستەن تاندىرىپ جاتقان جۇقپالى ۆيرۋس تۇيەنىڭ قانىنان انىقتالىپتى. ياعني، جانۋاردىڭ ەتى مەن ءسۇتى دە ادام دەنساۋلىعىنا قاۋىپتى دەگەن ءسوز. دەگەنمەن، وتاندىق ۆەتەرينارلار (مال دارگةرلةرئ) ەلىمىزدەگى 200 مىڭعا جۋىق وركەشتىگە تونگەن قاۋىپ جوق دەپ وتىر.

 سەرىك ساپارعاليەۆ، ق ر  ا ش م ۆەتەرينارلىق باقىلاۋ جانە قاداعالاۋ كوميتەتى ءتوراعاسىنىڭ ورىنباسارى:

- ساۋد ارابياسىنان ەشقانداي مالداردى ساتىپ الىپ، مال ونىمدەرىن ساتىپ المايمىز، اكەلىنبەيدى. سوندىقتان قازاقستانعا ۆەتەريناريا سالاسىنا ەشقانداي قاۋىپ جوق دەپ ەسەپتەيمىز. بارلىق مالدار، ءىرى قارا، تۇيە كولەمدى تۇردە پروفيلاكتيكالىق جۇمىستار جۇرگىزىلەدى.

اراب امىرلىكتەرىنەن باستالىپ، ەندى ازيا مەن ەۋروپاعا اۋىز سالا باستاعان ەپيدەميانىڭ ورشىمەسە، باسەڭسيتىن ءتۇرى جوق. ونىڭ ۇستىنە قاۋىپتى كەسەل ناق دەمالىس ماۋسىمى باستالار ساتتە كۇشەيىپ كەتتى. الايدا، ىندەتكە قاراماستان، تۋريزمنەن ميللياردتاپ تابىس تاۋىپ وتىرعان مەملەكەتتەر اتاقتى شيپاجايلارىن جاپپايتىنى انىق. سوندىقتان ماماندار تۋريستەرگە اسا ساق بولۋعا كەڭەس بەرىپ وتىر.

ktk.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى