الماتىنىڭ 1001 جىلدىعىنا «الاش پرايد» جەكپە-جەكتەرى وتەدى
ول تۋرالى بۇگىن الماتىدا وتكەن باسپا ءسوز ءماسليحاتىندا «الاش پرايد» پرەزيدەنتى دانيار قاسقاراۋوۆ ايتتى.
«الماتى-ارەنادا» وتەتىن بۇل م م ا باسەكەسىندە ارمان وسپانوۆ باستى جەكپە-جەككە شىعادى. قارسىلاسى تاياۋ كۇندەرى بەلگىلى بولماق. ارمان اتالعان تۋرنيردە الەمدەگى رەيتينگى جوعارى جەكپە-جەك شەبەرلەرىنىڭ بىرىمەن ايقاسقا تۇسپەك. جەڭىسكە جەتكەن جاعدايدا، ارمان ءۇشىن UFC كەلىسىمشارتىنا قول قويۋعا زور مۇمكىندىك تۋادى»، - دەدى دانيار قاسقارۋوۆ.
ارمان وسپانوۆ جاقىن كۇندەرى ماحاچكالاعا (رەسەي) وقۋ-جاتتىعۋ جيىندارىنا اتتانادى. سونىمەن قاتار، ا س ۆ-69 تۋرنيرىندە جالپى 12 جۇپ ونەر كورسەتەدى.
سەگىزبۇرىشقا شىعاتىن سپورتشىلاردىڭ ىشىندە 7 قازاقستاندىق جەكپە-جەك وكىلى بار.
ولار: اسىلجان باقىتجان ۇلى، اسۋ المابايەۆا، قارشىعا داۋىتبەك، ەۆگەني ەگەمبەرديەۆ، باقىتجان نەسىپبەك جانە لەگيونەر مۋرود حانتۋرايەۆ (وزبەكستان).
جالپى، ا س ۆ-69 حالىقارالىق تۋرنيرىندە الەمنىڭ 10 عا جۋىق مەملەكەتىنىڭ بەتكە ۇستار جەكپە- جەك وكىلدەرى ايقاسقا تۇسەتىن بولادى. «الاش پرايد» اتىنان ونەر كورسەتەتىن بۇل سپورتشىلار قازىر تايلاند ەلىندەگى وقۋ-جاتتىعۋ جيىندارىندا ءجۇر.
ايتا كەتەرلىگى، ا س ۆ پروموۋشەنى - دۇنيەجۇزى بويىنشا دامۋ قارقىنى جاعىنان، اتاقتى UFC- دەن كەيىنگى ۇيىمداستىرۋ الاڭى. ا س ۆ-69 ءتۋرنيرى - قازاقستاندا بۇرىن سوڭدى بولماعان، جوعارعى دەڭگەيلى جەكپە-جەك جارمەڭكەسى بولماق.
