وڭتۇستىك كورەيادا 1000-عا جۋىق «ەلەس نارەستەلەر» ءىسى تەرگەلىپ جاتىر

وڭتۇستىك كورەيا ۇكىمەتى 2015 -جىلدان بەرى تىركەلمەگەن 2000-نان استام نارەستەنىڭ امان- ەسەندىگىن تەكسەرە باستادى. بۇل بالالاردىڭ ومىرگە كەلگەنى تۋرالى مەديتسينالىق جازبا بار بولعانىمەن، تۋعانى رەسمي تىركەلمەگەن.

پوليتسياعا تىركەلمەگەن نارەستەلەرگە قاتىستى 1069 ءىس حابارلانعانىمەن، ازىرگە ونىڭ 939-ى تەرگەلىپ جاتىر.

939 «ەلەس نارەستەنىڭ» 34- ءى قايتىس بولعانى راستالدى. پوليتسيا 34 بالانىڭ 14- ءى زورلىقپەن ولمەگەنىن انىقتادى.

قازىر وڭتۇستىك كورەيا پوليتسياسى 11 بالانىڭ ءولىمى كۇماندى ەكەنىن ايتىپ، تەرگەپ جاتىر، ونىڭ ىشىندە ەل استاناسى - سەۋلدەگى ەكى بالا ءولىمى بار.

Yonhap اقپاراتى بويىنشا، پوليتسيا ءتورت نارەستەنىڭ ولىمىنە اتا- اناسىنىڭ قاتىسى بار ەكەنىن انىقتاپ، ءىستى پروكۋراتۋراعا جىبەردى.

قازىرگى ۋاقىتتا پوليتسيا تىركەلمەگەن 782 نارەستەنىڭ قايدا ەكەنىن انىقتاۋ ءۇشىن جۇمىس ىستەپ جاتىر.

2000-نان استام نارەستەنىڭ امان- ەسەندىگىن تەكسەرۋ ناۋقانى وتكەن ايدا 2018 جانە 2019 -جىلدارى دۇنيەگە كەلگەن نارەستەلەرىن بۋىندىرىپ ءولتىرىپ، سول ۋاقىتتان بەرى ولاردىڭ ءمايىتىن سەۋلدەن وڭتۇستىككە قاراي 30 شاقىرىم جەردەگى سۋۆونداعى پاتەرىندە، توڭازىتقىشتىڭ ىشىندە ساقتاعان ايەل ۇستالعان سوڭ باستالدى.

اۆتور:

بالنۇر قوجاگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى