ەلوردادا كوگىلدىر وتىنعا 1000-ىنشى ابونەنت قوسىلدى
بۇگىن مىڭىنشى تۇتىنۋشىنىڭ ۇيىنە «كوگىلدىر وتىن» قوسىلدى، دەپ حابارلايدى قازاقپارات.
- جىل سايىن كومىر جاعىپ، ءۇيدى جىلىتاتىنبىز. كۇندە وسىلاي شەلەك-شەلەك كومىر تاسىدىق. ەندى بىزگە گاز كەلدى. گاز ماماندارىنا مىڭ العىس. قازىر بۇل كومىردىڭ كەرەگى جوق، - دەيدى قىزىلكول كوشەسىندەگى ءۇيدىڭ يەسى قانات بەكىبايەۆ.
- گاز كومىرگە قاراعاندا الدەقايدا جاقسى. كۇلدى شىعارىپ، ۇيگە وتىن اكەلۋدىڭ قاجەتى جوق. 60 جىلدان بەرى پەش جاعىپ كەلەمىن. ەندى بۇل بەينەتتەن قۇتىلدىق، - دەيدى ءاليما اپا ۇلىنىڭ ءسوزىن قوستاپ.
ەلوردانى گازداندىرۋ جوباسى بويىنشا نۇر-سۇلتاندا گاز تاراتۋ جەلىلەرىنىڭ قۇرىلىسى 2023-جىلعا دەيىن 3 كەزەڭگە بولىنگەن. بۇگىندە جالپى ۇزىندىعى 413,32 ك م جەلىلەردى قۇرايتىن 1-كەزەڭدەگى قۇرىلىستىڭ 8 ىسكە قوسۋ كەشەنى (ق ك) ءۇشىن گاز قۇبىرلارى مەن ونىڭ بويىنداعى قۇرىلىستار پايدالانۋعا بەرىلدى.
ج ە و-1، 2، 3 كە گاز قۇبىرلارى تارتىلدى، تەمىرجولشىلار، وندىرىستىك، كوكتال-1 تۇرعىن الاپتارىندا گ ت پ ورناتىلدى، كوكتال-2، وندىرىستىك، اگروقالاشىق، وڭتۇستىك-شىعىس ت. ا ۇيلەرگە گاز قۇبىرى تارتىلدى. قازىرگى ۋاقىتتا «قازترانس گاز ايماق» ا ق تاپسىرىسىمەن ينتەرناتسيونال، ميچۋرين جانە كۇيگەنجار تۇرعىن الاپتارىندا 2-كەزەڭدەگى جەلىلەردىڭ قۇرىلىسى جۇرگىزىلۋدە. جاقىن ارادا بۇل ايماقتاردا گازدى ىسكە قوسۋ جوسپارلانۋدا.
- مۇرجالار مەن جەلدەتۋ قۇبىرىنىڭ دۇرىس جۇمىس ىستەۋى - قاۋىپسىزدىك پەن دەنساۋلىقتىڭ كەپىلى. ويتكەنى، گازدان ۋلانۋدىڭ ەڭ كوپ وقيعاسى مۇرجانىڭ تارتپاۋىنان بولادى. سوندىقتان مۇرجالاردىڭ تالاپقا ساي بولۋىنا گاز قۇرىلعىلارىن پايدالانۋشىلار ەرەكشە مۇقيات قاراۋ كەرەك، - دەگەن «قازترانس گاز ايماق» ا ق استانا وندىرىستىك فيليالىنىڭ ديرەكتورى داۋلەت ارىقبايەۆ، قاۋىپسىزدىك شارالارىن ساقتاۋ قاجەتتىگىن تاعى ءبىر ەسكە سالدى.
قازىرگى ۋاقىتتا فيليال تۇتىنۋشىلارعا گازبەن جابدىقتاۋ جۇيەسىنە قوسىلۋ ءۇشىن تەحنيكالىق شارتتاردى بەرۋمەن اينالىسۋدا.
